冯素波离巢最唔舍得张员工证 TVB冇责任养你一世咪当长期饭票 丨独家

79岁冯素波上周在社交网公布已离开TVB，对于离开合作超过30年嘅电视台，波姐并冇依依不舍，但就好留恋张员工证：“好多同事都走咗啦，而且前两年都系改签一年一骚，冇工作唔使返去，所以同公司冇乜关系，跟高层更加冇乜感情，员工证似member card可返去食Tea探吓朋友，𠵱家最可惜系连会籍都冇埋。”采访：方骞平 摄影：邓国良 场地：Colour Brown

波姐唔再受一年一骚合约约束，有更多自由空间。

 

波姐难得自由自在。

 

波姐决定要活出精彩人生。

 

波姐明白年纪越大，剧本唔会再为她而写。

 

冯素波今年将出自传及申请做粤剧及个唱。

 

冯素波当年由冯美基喺亚视挖到TVB，12年前曾转投王维基旗下的香港电视网络，两年后获曾励珍力邀重返TVB：“每年续约都系艺员科同事跟我倾，我同高层唔熟，乐易玲唔会理到我呢啲层次。”

波姐话TVB制度已不适合年长演员。

 

 

波姐演技冇得输。

 

王维基身上得益良多

波姐忆述电话中“分手”一刻来得干脆俐落：“艺员科同事打嚟，我斩钉截铁话第日都系好朋友，对方冇挽留反而尴尬话‘咁有需要时你会唔会返嚟拍戏？唔会嬲我哋呵？’我爽快答应唔会闹TVB，因为都做咗几十年啦。”波姐又发表“助养论”：“其实千祈唔好当TVB系张长期饭票，有责任要养你一世，即使养大个仔都唔会养到你死啦，就算佢得我都未必肯，可能出面有更大发展呢，正如当年王维基招手时游说我出去睇吓，佢话我‘尽管有把遮挡雨，但太大雨都顶唔顺会湿身，其实你好有价值’，唔出去系唔知道自己嘅潜力，喺佢身上学咗好多嘢，原来个世界系咁。”她反而最唔舍得张员工证，会收起留念，未来会出自传及申请做粤剧及个唱。

10年前过档香港电视网络拍《恶毒老人同盟》。

 

 

她明白今时今日TVB已改制：“而且年纪越大，剧本唔会再为我而写，演出戏份唔会多，呢啲角色大可以留畀包薪艺员做，畀机会佢哋跑数还骚，呢啲系佢哋做生意方法，只要谂得通就明白。”她又提及两年前一件趣事：“综艺组话公司会开新节目畀机会我发挥才华，佢哋接见我时，追问我可以有乜发挥？我忍唔住反问：我喺呢间公司30年，入得嚟一定有才华唔通白支人工咩？系佢哋唔了解每个艺人，其实喺TVB个个演员都有才华，就算路人甲乙丙都系称职嘅。”

古天乐支持波姐开演唱会。

 

波姐希望带动年青人陪父母睇粤剧。

 

波姐爱做粤剧。

 

波姐曾和妹夫余子明同台演出。

 

波姐入纸申请今年做粤剧及个唱，望跟她撞样嘅卢瀚霆嚟送花支持。

 

冯素波跟冯宝宝系同父异母姊妹。

 

其父系冯峰。

 

冯素波曾于50年代与李小龙(右)合演电影《细路祥》。

 

波姐系“七公主”成员。

 

“七公主”由冯宝宝、王爱明、陈宝珠、萧芳芳、冯素波、沈芝华、薛家燕组成。

 

童星波姐。

 

昔日波姐好有少女味。

 

 

 

23岁时索女波姐。

 

《星岛申诉王》推出全新项目“我要赞佢”栏目，现诚邀市民投稿赞扬身边好人好事，共建更有爱社区。立即“我要赞佢”︰ https://bit.ly/3uJ3yyF

想睇更多精彩内容，请立即浏览“区区有申诉”活动专页，https://bit.ly/41hgS9E

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。