胡慧冲扮幪面超人拍《最紧要好玩》MV向阿Sam致敬 驾旋风号招摇过市找数丨独家

作为许冠杰超粉的“泰国通”胡慧冲(Roger)，昨天驾驶仿制幪面超人1号旋风号电自行车，风驰电掣到泰国旅游区，包括四面神外、唐人街、大皇宫附近、水门街、Siam Square等拍摄经典歌《最紧要好玩》MV向阿Sam致敬，更尽兴地唱埋泰文版幪面超人歌，Roger认为，就算喺摄氏40度高温下，着住焗汗嘅超人衫自High 12小时都系开心嘅。

仿制幪面超人1号旋风号电自行车花费13000港币。

 

扮到真驾驶。

 

记得要戴返个头盔呀！

 

变身幪面超人1号驾驶旋风号电自行车。

 

拍摄花费6500港元。

 

拍摄团队10多人。

 

呢个MV拍得好大阵仗。

 

喺摄氏40度下扮超人焗到癫。

 

原来有拖车拖住行。

 

“开车”到曼谷景点打卡。

 

Roger手持《最紧要好玩》歌词。

 

Roger向《星岛头条》解释今次搞“大龙凤”因由：“话说之前心血来潮花6万泰铢（相等港币13000蚊），喺泰国订咗部仿照幪面超人1号旋风号电自行车，仲攞晒行车证。当时承诺过，如果呢条‘败家仔开箱’短片浏览量超过10000人嘅话，就会喺街上风驰电掣找数，估唔到条片超过10万人睇，于是贯彻超级偶像许冠杰‘最紧要好玩’宗旨，驾驶电单喺市中心拍MV，向阿Sam致敬。”

Roger为败家仔开箱短片承诺找数。

 

获阿Sam赐个唱前座

不过，因为Roger唔识驾驶电自行车，唯有好似拍戏咁，要租用拖头拖住嚟行：“最后决定做得好好睇睇，自掏腰包花费3万泰铢(约6500港元)，动用10多人嘅摄影团队，3部摄录机进行拍摄，拍足12小时，热到湿咗两件底衫，但沿途好吸睛。”因为冇戴头盔拍摄，Roger喺片尾都要戴返个“头盔”，用阿Sam语调温提观众：“无论系歌神定泰神，揸车要打醒12分精神，揸电自行车记得戴头盔啦喂！”Roger形容今次最重要能圆梦：“好多幪面超人迷都渴望拥有旋风号电自行车，更加希望电自行车可以喺街上飞驰，庆幸有好多朋友帮助下成事。”另外，之前Sam向郑丹瑞提出，揾Roger接受网上节目《健康旦》访问：“访问后阿Sam话要安排前排门票畀我，仲追问我睇边场？但我坚持要真金百银来支持偶像，哗！但真系几开心呀，儿时偶像竟然叫得到我个名，今时今日可以近距离接触系感动嘅。”

胡慧冲、夏妙然月底喺阿Sam个唱中再出击。

 

最难忘去年同夏妙然一齐抢咪，对住阿Sam唱歌。

 

劲开心。

 

虽然系有啲核突，但可能系一生人很得一次嘅机会。

 

阿Sam台上大呼“泰国通”阿胡到嚟咗！

 

今次阿Sam已预留前座靓位畀Roger。

 

胡慧冲、许冠杰陈年合照。

 

今年歌神再开骚。

 

Roger收藏好多阿Sam纪念品。

 

之前Sam向郑丹瑞提出，揾Roger接受网上节目《健康旦》访问。

 

胡慧冲每提阿Sam都会喊。

 

好感性呀。

 

阿Sam影响到Roger唱歌曲风及所填嘅歌词。

 

《星岛申诉王》已推出全新项目“区区有申诉”，并增设“我要赞佢”栏目，现诚邀市民投稿赞扬身边好人好事，共建更有爱社区。立即“我要赞佢”︰ https://bit.ly/3uJ3yyF

想睇更多精彩内容，请立即浏览“区区有申诉”活动专页，https://bit.ly/41hgS9E

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。