【曾智华专栏】观音开库全港缤纷

近日与大群年老心不老的“多口佬”饭局。
　　
“队”多两杯之后，个个兴致勃勃献计点样搞返旺香港，唔使成日人人只讲执笠，谢吓谢吓。
　　
肥A：“我认为要吸引游客，尤其内地客，先要突出佢哋冇嘅嘢，大搞特搞！例如内地唔准赌钱，香港就来个遍地开花，搞马场导赏团，人人有机会参观马房，与马王及名骑师打卡。马会再派每人一百元投注券‘荼毒’佢哋，加送纪念帽等等小恩小惠。另外，到六合彩累积千万元奖金时，就组织万人排队团，尝试排队望发达滋味。当然更要参观快活谷啤酒园，感受马场之内狂歌热舞盛况，之后咁鬼夜，当然要住多一日啦。”
　　
矮B：“内地不准迷信，咁香港就一于搞‘大迷信团’，来个香港打小人节。先开班训练三五千‘打手’，D-day就全港十八区一齐打，区区有得打，除大官外，个个都可以打，并区区酒楼设计‘打小人宴’，菜单与主题呼应，参加者可以全面发泄。总之要打得过瘾，打得好玩，打得痛快。”
　　
奀C：“讲起迷信，香港人最无厘头有样活动叫‘观音借库’，我就观察过几次，好好笑。初初以为只有穷鬼才需借库，原来错！通宵排队时，有N架名车载住阔太及肥佬老细到来排队（揾人代排冇诚意，冇库借）。其实参观吓乜人排队，已是一个旅游景点。不过，当然一如矮B讲，要做大佢，就要搞‘全港观音借库日’，十八区关爱队落水，由区议会制作大量观音像四围摆放，总之令你当日一出街就见观音，就想起借库，就可能会凑兴去排队。一旦成行成市，必成国际旅游新闻，吸客潜质，绝不限内地，因‘贪’乃四海皆准人性也。”

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。