【曾智华专栏】XX应否合法化

今日标题的“XX”，真系填乜都得㗎！
　　
十多年前小弟在香港电台电视部任编导，专负责青少年节目，其中之一为中学生辩论比赛。当时社会气候唔兴谈政治，亦冇乜空间，故此，锁定的辩论题目，来来去去都是“XX应否合法化”，“XX”可以是赌博、堕胎、娼妓⋯⋯
　　
条条题都好似有得辩论，其实当时我内心已觉多鬼余，因真实人生告诉我，根本赌博、堕胎、娼妓已早早“合法化”，只不过大家诈聋诈盲，又或扮卫道之士，硬要攞嚟拗，认真多余。
　　
不过，多余都要攞嚟拗，以展示香港社会多元化。
　　
“XX”中，最假道学为“赌博应否合法化”。你知我知，香港由始至终都是一个大赌场，小市民赌马、搓麻将，略有钱的赌股票、赌外汇、赌期货、赌楼市物业（美其名“投资”，其实自己呃自己）⋯⋯
　　
香港呢个大赌场，N咁多赌博品种，多一种唔多，少一种唔少，其实每只股票又或ETF上市，已是多一样赌博。
　　
所以，早年拗生拗死应否容许赌波（当然美化叫做“足智彩”啦），我都唔知有乜好拗。
　　
事实香港三大税收中，若果冇咗股票及博彩税，库房冧档都似。尤其如今靠跑马真系死得，因需要庞大人力物力及资源营运，完全冇钱赚。
　　
开赌波则相反，乜都唔使做，Free Ride外国赛事，就可以天降甘霖，你话几正。
　　
所以，如今政府干塘，又由治入兴，有人提出增加篮球合法投注（叫“篮智彩”？），作状掟出嚟畀卫道之士踩两句后，又过㗎喇。
　　
正是多样唔多，少样唔少，拗都嘥气。
　　
今晚快活谷赛事，一千米短途形势明显，韦达只“颜色王子”够钟起筷，今季跑咗两场同程，两皆第三，准到飞起，WP及做Q胆可也。