刘松仁步入晚年专注“服务身体” 潇洒拥抱人生下半场：不要埋怨，不要向往以前｜专访
“刘松仁”这名字在娱乐圈从来是“遥”不可及，事关相约刘松仁受访，从来不是一件容易的事。过去数年，松哥大量减产，一方面专心筹备其“人生大project”舞台剧《利玛窦》，另一方面全神贯注“服务”身体。刘松仁坦言，现在的他，不再纠结过去幕前的五光十色，不回头看也不埋怨，尝试学习享受以及体会上天给另一阶段的他的试练。
相关阅读：刘松仁最新近况曝光！复出再为音乐剧《利玛窦》做导演 首开腔回应屡传健康出现问题
刘松仁制作《利玛窦》过程及专访照片：
刘松仁为音乐剧《利玛窦》冲破心理关口
因为音乐剧《利玛窦》的关系，“莫名其妙”令刘松仁冲破心理关口，接受传媒访问！刘松仁早前与导演黄俊达接受《星岛头条》访问，虽然在刘松仁口中，一直听从导演黄俊达，不过实情是只要有刘松仁的地方，身边总有一班年青人相伴在旁，有人会与他研究《利玛窦》的彩排情况；亦有人会与刘松仁风花雪月，导演黄俊达笑说：“其实系互相睇大家嘅头，我哋一直都冇话要边个做主，呢个系一个确实嘅事件，一个咁重要嘅人物嚟到中国呢个地方，去分享佢嘅事蹟，已经系重要嘅事，所以我哋嘅选择唔系要边个去行，而系本身有连带。”
《利玛窦》从酝酿到排练用了5年时间，在2019年上映至今，前后合共历时近10年，问到刘松仁今次是否人生最大project？他说：“我做咗电视已经几十年，喺动作片入面差唔多死过好多次，系一线之差，但系我唔讲，总之系遇咗好多次好危险，系受伤受得好重伤嘅事，不过系唔死得，咁我就话佢（指上天）留番我条命，梗系想我做啲嘢，我差一步真系会死，所以喺我心里面系一直有呢个感觉。直到神父叫我做《利玛窦》，完成咗呢套戏，出嚟嘅反应，大家都好满意同开心，我先知道原来佢留我系想我做呢件事。好奇怪，我喺电视做咗咁多年，估唔到最后系做舞台剧，好似埋砌咗前面，原来就系为咗做呢个舞台剧。”
刘松仁现阶段全神贯注在自己身体
刘松仁又称：“我上面仲有个神父，神父上面仲有其他人，好多嘢都系综合，大家各自有付出，大家又志同道合，呢个合作对我嚟讲系好享受。后生嘅时候，喺丽的出去新艺城，同导演、编剧、演员成班人创作系有呢种感觉，但之后几十年都冇，好多时都系孤军作战，去到而家呢个时候，仲有番一次，真系好正，你唔会expcet呢个年纪仲可以有咁嘅享受，同一班人一齐投入去做一件事，所以我每一次睇到好感动，有呢个moment真系执到！”
当日刘松仁拍完TVB剧集《华丽转身》后，毅然放下多年的演员工作，转身走到舞台，专心一意策划、执导及创作《利玛窦》，不过当问到刘松仁现阶段是否专注这音乐剧？刘松仁竟然来过反高潮，他说：“唔系呀，我而家系全神贯注喺我自己身体，我成日话我喺《利玛窦》系打杂，佢哋需要我做乜咪做乜。”多年来，坊间对刘松仁的身体状况有不少传言，对于外界的揣测，刘松仁淡然地说：“要打开只眼睇清楚啲。”其后刘松仁的一番夫妻论，进一步令人了解目前状况：“我以前拍戏为主，老婆次要，佢唔可以阻碍我嘅工作，咁点样呢？佢咪买𩠌煮饭，返嚟服侍我喇、除鞋除袜喇，病又要陪睇我医生，因为我以工作摆喺第一位，佢服务我，我去服务工作。”
刘松仁昔日工作相：
刘松仁锡住身体养精蓄锐
刘松仁续说：“点知几十年之后，老婆𨀤低咗、病咗，唔可以服侍我，咁我点？咁咪我服侍返佢，帮佢买𩠌煮饭，返嚟唔好做嘢，我帮佢换鞋，系咪应该咁呀？我嘅心态就系咁，以前我身体就系咁，我利用身体，服务我想做嘅工作，服务我嘅欲望，而家我身体好似个老婆咁𨀤低咗，咁咪问返佢转头，想你我点呀，咪一样。以前我钟意食啲嘢，唔会理对身体有冇坏，我而会问下身体，食咗啲嘢对你有冇坏？而家咪到老咗嘅呢个阶段，好公平呀，佢服务咗你咁多年，挨坏咗。”
再问刘松仁目前的人生是否去另一个境界？他断然地说：“唔系境界，系另一个阶段，生老病死嘛，你想唔经过呢啲阶段咩？个个都要经历，同埋系你觉得佢唔好啫，其实𠮶个阶段系畀啲唔同嘅嘢你，𠮶啲先系正！”笑问得到最正是什么东西？刘松仁笑说：“得唔到最正就讲得出，得到最正就未讲得出，每个阶段都有佢正嘅嘢，你唔喺𠮶个阶段，就唔会有感觉，要喺𠮶个阶段，又唔好向往以前，我以前系点呀，而家冇咗，你就会埋怨。做人唔好埋怨，向前睇，究竟得到啲乜嘢？究竟想通过呢个阶段畀乜嘢你，你就会向往，个人就会积极。如果唔系你就会好沮丧，因为你一路失去，以前行得咁快，而家唔得以前可以自己着鞋，但系而家唔得，你会沮丧，而家着唔到鞋，究竟呢个感觉佢想畀乜嘢我？你怀住一个感恩嘅心情，去向往呢个阶段所畀你嘅嘢，我而家都学紧呢样嘢，唔同阶段咪学习唔同嘅嘢。”生活态度看似潇洒？但刘松仁说：“潇唔潇洒唔系呢个阶段，系人嘅问题，（好多人都会埋怨）好多人嘅意思系普通人，我唔系普通人，我系刘松仁，分别咪喺呢度！”
黄俊达难忘刘松仁分享与妈咪相处
在旁的黄俊达亦说：“松哥成日分享同佢妈妈喺公园晒太阳，𠮶啲时光好特别，𠮶段时间佢妈妈身体冇咁好，但系呢一段时间可以好close，有时人喺啲唔好嘅时间，反而睇到嘅嘢系更加真，更加好嘅嘢，有时松哥会同我讲搭巴士，话返我知呢架巴士去边度系最近，呢啲系好得意嘅嘢，系佢嘅人生态度。”刘松仁接着说：“都要遇到有缘嘅人，你唔系笠乱分享，遇到一个能够分享你嘅经验，系好难得，要好感恩。好似倾偈，唔系得你一个人讲，对方要有反应，𠮶个享受要珍惜，以前我唔识。我哋呢个年纪会好珍惜，呢个唔系必然，咁咪感恩，感恩嘅时间多啲，后生嘅时候忙啲，得个忙字，都唔知为乜。”
刘松仁曾在访问中表示坚拒重返幕前，今次访问中，刘松仁的心态仍然没有变：“我根本从来都冇谂住拍戏，后生拍戏因为有钱先拍，拍戏洗晒啲钱，唔得喇咪继续拍，我又好彩，每次冇钱嘅时候，又有人揾我㖞，变咗由后生到40几岁都唔识储钱，到咗40几歳先识谂，我唔系一世都做小生㖞，唔得㖞，谂吓要储番啲钱。”刘松仁叮嘱年青一辈千万不要看学：“我系好感恩，我未试过冇戏拍，呢啲唔系你叻，系上天锡你，好唔好，梗系好，所以晚年要回馈，佢锡你系有原因，要将得到嘅爱要分享出去，话畀人知可以接收到呢样嘢。”
《利玛窦》彩排现场情况：
《利玛窦》三度公演起用原班人马
另一方面，今次《利玛窦》三度公演，演员起用原班人马阵，其中包括徐伟贤和何洋（Ernestine），刘松仁说：“佢哋系我早期揾佢哋，系头一批揾嘅演员。”徐伟贤回想当日被刘松仁邀请演出的情况：“记得喺演出前2年，松哥亲自揾我嚟讲呢个演出大计，我自己有啲紧张同感动，𠮶阵佢逐只字，逐场戏同逐个角色咁话畀我知，喺𠮶3个钟已经畀佢嘅诚意感动到，再加上我哋有同一个信仰，畀我嘅意义更加大。”他续说：“做咗2次，中间经历疫情，有一场戏好系好有共鸣，讲利玛窦坐船去中国宣教，经历过好多风浪，我哋喺呢3年都经历过好多风浪，相信再踏足舞台做第3次，我相信可以揾到好多氧份加入去角色，可以点样做到更加好。”
何洋原来系刘松仁师姐
何洋与刘松仁第一次见面，原来亦很难忘：“啱啱撞返松哥，讲番第一次见面嘅情况，𠮶阵我喺北京跟紧另一个剧团演出，演出完同其他演员去食嘢，见到有个男人戴住cap，自己一个人喺度揿电话同食嘢，完全认唔到松哥，之后先发现。其实我哋跟同一个歌唱老师，我系师姐，佢系师弟，咪走去同师弟打招呼，仲交换咗电话。有一日‘小松鼠’打畀我，约我出嚟倾偈，讲吓个角色，咁我𠮶阵冇嘢捞，刘松仁揾我㖞，唔系普通人㖞，咁咪做囉。”
导演黄俊达受疫情影响安排
经历过后，导演黄俊达有感而发地说：“我哋过去几年都冇停过，本来有几个唔同嘅安排，好似去好多地方公演又或者内地巡演出，之前都中止或者改时间，但系我哋都喺度重新安排同建立过，而家暂时系音乐剧方面，仲喺度，酝酿紧其他嘅方式，我哋都希望可以多啲人睇完套戏，对环境同自己嘅生命都可以有多啲希望，呢个都系好紧要。”
撰文：Grace Ho
摄影：罗安强
王梓轩服装赞助：Barbour
其他文章：
李影离世丨刘松仁曝光与旧爱最后对话 难接受李影离世：我们不是三月中有约吗？
73岁刘松仁脸色红润复工搞舞台剧 撑拐杖现身公开场合三年前演出期间曾跌伤
73岁刘松仁精神奕奕为爱犬切蛋糕庆生 身材日渐消瘦粉丝忧心健康
----------------------------
《星岛申诉王》一周年生日送大礼，正举行问卷调查，参加者有机会获得足金串饰、Rasonic 电饭煲、英皇电影礼券及一田超市现金券，点击答问题赢大奖：https://bit.ly/3P4s70j
《星岛申诉王》已推出全新项目“区区有申诉”，并增设“我要赞佢”栏目，现诚邀市民投稿赞扬身边好人好事，共建更有爱社区。立即“我要赞佢”︰ https://bit.ly/3uJ3yyF
想睇更多精彩内容，请立即浏览“区区有申诉”活动专页，https://bit.ly/41hgS9E
>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。
iPhone：https://apple.co/2IBi812
Android：https://bit.ly/2Pe8anu
>>>订阅【加拿大星岛网电邮快讯】，每天可收到最快新闻资讯电邮：
https://www.singtao.ca/subscribe/singtao.php
>>>立即关注加拿大星岛新闻网TG Channel，让加国新闻无遗漏全天候向你推送：
https://t.me/singtaoca
>>>订阅CCUE YouTube 频道，查看更多吃喝玩乐、生活资讯影片。
