星8卦丨“小鲜肉”“猛男”相知多年 为真爱随时隐退

钟意偶像有时真系要理智啲，好似“小鲜肉”因为一两套剧红咗，大家就成日为佢制造CP感，个个女主角都讲到好似同佢有路咁。其实“小鲜肉”个男朋友同佢半斤八两，两个都好红，但碍于双方都要发展银色旅途，所以唔够胆太过张扬。“小鲜肉”坦白讲，演技真系普普通通，但个样真系靓到连女人都妒忌，话点解可以生成咁，而且唔脂粉味。

“猛男”啱啱相反，因为好活跃，唱歌又好听，做综艺又鬼咁生猛，样梗系无自己个伴侣咁好睇，但胜在高大，多年嚟都储到一班女粉丝。而呢班女都几癫，所有女人埋身都会被搞到不似人形，其实“猛男”同“小鲜肉”喺埋一齐都有4、5年，每次两个见到啲女为自己要生要死，都觉得好好笑，就更加唔敢畀外面嘅人知道两个人嘅真正关系。

但作为行家就好明白，冇讲到话支持，但两个人真心相爱，系冇罪嘅，不过大家都好识做，唔会将两个人嘅关系搬上枱讲，“猛男”已经同老死讲过，有乜事就自己担起头家，等“小鲜肉”去读书，揾够钱两个人揾个欧洲小岛匿埋过二人世界。“小鲜肉”觉得真爱难求，已经预咗随时隐退，话知你咁多！

 

相关文章：

星8卦｜“整形”恃“肥伯”锡以为有楼揸手 被踢爆包养小鲜肉一刀两断

星8卦｜“长人”无沟仔运长期陷苦恋 “媒人”打救嫁“专业”执尾筹

星8卦｜“鬼妹”以为“高大”系良伴 成赌局牺牲品要睇心理医生

《星岛申诉王》已推出全新项目“区区有申诉”，并增设“我要赞佢”栏目，现诚邀市民投稿赞扬身边好人好事，共建更有爱社区。立即“我要赞佢”︰ https://bit.ly/3uJ3yyF

想睇更多精彩内容，请立即浏览“区区有申诉”活动专页，https://bit.ly/41hgS9E

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。