【曾智华专栏】Avantgardey极过瘾

每逢晚饭时间，我家皆会以YouTube送饭，由小儿及小女操控睇乜，多是睇时事的KOL（其实大部分佢哋未开口，我已知将会讲乜 ），也有饮饮食食，若有热辣娱乐新闻或八卦话题，也会瞄瞄。
　　
前晚“肥女B”揸住个遥控话：“肥爸，李龙基仲有乜好睇呀？讲到残晒啦，介绍你睇被形容为Mind Blowing（超级兴奋，极度惊奇）的日本女子舞蹈团Avantgardey，保证一睇难忘！”
　　
佢揿揿揿！揿出Hit到爆的电视节目《American Got Talent》2023年决赛片段，咦，冠军正是Avantgardey㖞，睇睇有乜咁巴闭先。
　　
睇完佩服到五体投地，果然犀利。呢队由日本著名编舞家akane组成的十九人舞蹈团，其表现不单止令人眼前一亮，再贴切啲，是每一秒都似令你眼睛在食兴奋剂，广东话形容——真系过瘾到爆炸！
　　
成员全部划一穿校服，发型留齐海，动作百分百卡通式机械化，整齐到毫无瑕疵，动作难度似乎不是人的身体能做出。
　　
最好玩，个个眼神、面容古灵精怪得来超可爱，令你不期然上晒瘾，一次两次三次不停地睇。
　　
多谢肥女B好介绍，我呢个老饼真系懵懵哋，原来农历年时，Avantgardey曾到港演出，小弟错过咗现场近距离欣赏（旅发局本有邀请出席），真系揼心揼肺！
　　
算啦，反正佢哋刚刚爆红，已接下大量演出邀请，将不停游走国际间散布快乐情绪，总有机会遇上。
　　
“Avantgardey本来都排咗内地大Hit的‘科目三’，并录低上咗网。哗，好彩畀N咁多专业人士大大声喝停，立即下架！”肥女B醒目地指出。
　　
点解？老友，如今Avantgardey的舞蹈及形象经已爆红全球，一切绝对应该独家。以后所有曝光演出，必须自己原创，只有人抄佢，绝不可佢降格抄人，就咁简单！

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。