阿Sa蔡卓妍公开演唱会绝密“换衫”片！ 自揭声带受伤多年感激呢个歌手幕后伴唱
Twins成员阿Sa蔡卓妍与阿娇钟欣潼近日在红馆举行14场“TWINS SPIRIT SINCE 2001 LIVE IN HONG KONG”演唱会，演唱会本月6日农历新年前已经圆满结束。阿Sa悠闲放农历新年假后，在IG贴出演唱会期间台下的绝密片段，撰写长文回顾红馆show，还自爆有幕后伴唱？
相关阅读：Twins演唱会丨容祖儿尾场现身掀高潮 钟欣潼自爆身体状况出问题：连厕所也去不到！
哪位歌手为阿Sa蔡卓妍幕后伴唱？
几乎每个歌手都会有换衫环节，歌手在后台更换战衣后，再踏台板继续开show。阿Sa蔡卓妍昨日（15日）在IG贴分演唱会的绝密片段，全部都是她与阿娇在台下妆发准备上台的短片，顺道回顾演唱会的多套靓衫。阿Sa撰写长文说：“农历新年嘅假期你哋点过呀？呢个假期我嘅节目非常丰富，狂食狂瞓，打吓牌、吹吓水、去吓旅行、拜吓年咁啦！呢两日先至有少少静落嚟嘅时候，揿吓个相簿，睇返好多喺舞台上面嘅片段同埋相，有啲挂住演唱会嘅日子㖭。”
蔡卓妍多谢工人姐姐与司机
阿Sa之后亦逐一多谢一班在演唱会期间默默付出的工作人员，阿Sa首先多谢工人姐姐每一日的照顾，又为她照顾家中的猫咪。而司机阿权除了每日接送外，亦不停来回为阿Sa“拎嘢买嘢”，阿Sa就第一次开演唱会到现在帮手洗衫的工作人员Michael亦有点名多谢。
早前阿Sa提到自己声带受伤已经数年，尝试过针灸、食药 中医、西医、气功等治疗。而今次阿Sa撰长文亦特别提到古天乐爱将游学修的歌手旧爱曾乐彤于后台帮忙伴唱“打大佬”：“我仲要非常非常多谢曾乐彤，1月20号第一次上台总彩排之后，我个人可以话灰到一个点。我把声仲未可以控制得好好但第二日已经系show day，佢本身系嚟帮手影吓相又做吓观众，但佢知道我嘅担忧之后，就自告奋勇话陪我一齐唱unison。”
阿Sa蔡卓妍初恋男友好靓仔？
蔡卓妍：大恩大德无以为报
阿Sa续言：“第二日当佢把声轻轻喺我耳机里面出现，我又真系好似轻松咗㖞。个感觉系好似打机 有人陪你一齐去打大佬咁，第一日完咗show，我落台后即刻揽住佢喊。大佬呀！观众听唔到佢把声㗎！剩系得我一个听到，咁样佢都肯陪我唱足14场，仲唱到声都沙埋，实在太伟大喇！而我亦都可以慢慢将佢把声喺耳机度一日比一日咁调细声啲，我真系超级无敌感谢佢，大恩大德无以为报。”阿Sa最后亦说：“就系有佢哋每一个嘅帮助，我先可以咁大无畏放心地去完成呢个挑战！好好好好多谢你地。”
曾乐彤则回复阿Sa说：“在心中❤你对我同对身边人嘅好天知地知大家知，我系去报恩㗎，爱你哟。”其实曾乐彤与阿Sa感情好好，去年两人一同到巴黎时装周睇Chloé时装show，曾乐彤还担任阿Sa专属摄影师，为师姐影靓相。去年阿Sa与石恒聪爆出分手后，曾乐彤亦与好友食韩烧，度过分手阴霾。
其他文章：
Twins演唱会丨阿娇唔够血暂停侧手翻动作 阿Sa唔俾193企起身
Twins演唱会丨阿Sa蔡卓妍初恋男友惊喜现身 疑似正面照流出获网民激赞靓仔
Twins演唱会丨43岁阿娇钟欣潼侧手翻失平衡跌跪台上 失手画面曝光逐格睇
Twins演唱会丨阿Sa蔡卓妍惊遇狂迷强吻！猴擒扑前被直击 歌迷睇到哗哗声
阿Sa蔡卓妍与“翻版苏施黄”撑枱脚？ 惊揭是佘诗曼星二代经理人背景惊人
《星岛申诉王》已推出全新项目“区区有申诉”，并增设“我要赞佢”栏目，现诚邀市民投稿赞扬身边好人好事，共建更有爱社区。立即“我要赞佢”︰ https://bit.ly/3uJ3yyF
想睇更多精彩内容，请立即浏览“区区有申诉”活动专页，https://bit.ly/41hgS9E
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
