刘松仁最新近况曝光!复出再为音乐剧《利玛窦》做导演 首开腔回应屡传健康出现问题
现年73岁刘松仁(松哥)自从在2015年拍完TVB剧《华丽转身》后,鲜有再于幕前演出,到了2020年初,刘松仁被拍到需要以拐杖行路,更被指有手震、口齿不清,一度传出中风,好友米雪其后代为澄清只是不慎跌伤。不过近日终传出好消息,刘松仁精神饱满地再现身于人前!
相关阅读:刘松仁贴陈年靓仔相公开寻佳视女星 淡出40年曾合演《武侠帝女花》
刘松仁最新近况好健康?
小休过后,刘松仁终于重拾昔日工作的步伐,由他担任策划、执导及创作的音乐剧《利玛窦》将于今年4月重演,连日来刘松仁为音乐剧进行宣传工作,日前刘松仁以导演身份与男主角王梓轩齐齐接受TVB娱乐新闻台访问,谈到近年生活状况,刘松仁说:“我搞《利玛窦》之前𠮶几年,已经冇拍戏,喺筹备𠮶阵,个个都问我演乜嘢,但系我发现原来我对演戏一啲欲望都冇,仲好惊啲,我其实系好内歛嘅人,好怕羞,怕露面,又唔钟意张扬。”刘松仁还说:“我唔会再拍戏,如果再拍就唔矜贵,所以我决定唔再拍。”
对于近年屡传健康出现问题,刘松仁笑说:“身体呀?总之系咁样,我觉得人生系有生老病死,我哋无论喺边个阶段都好,都要活得精采,积极面对。我哋老喇,老就跟住病,病就会死,呢个过程系唔可以或缺,系一定,我就话畀自己听,喺边个阶段都一定要精彩,就算病都要精彩,死都要潇洒,唔好好多牵挂,我就抱住呢个态度去面对我后边嘅路。”他续说:“唔可以因为你去到某一个阶段,人哋‘啄’住你𠮶个病,刘松仁而家病、好悽凉,但系佢哋忘记咗之前你系拍咗50年嘅戏,点解我要畀你讲我病咗?你唔讲我拍过嘅戏?个个都会病,我希望人哋系讲我病咗系点样面对,呢样嘢先值钱。困难个个都有,你点面对先系最重要。”
刘松仁昔日工作相:
刘松仁坦言享受创作与排练过程
另一方面,刘松仁坦言今次专心一致做好准备,从未为身负重任而产生压力,刘松仁说:“Journey!旅途就系你不停咁行,只要你肯行,你就会逢遇,咁你就会一路行落去。”相反被刘松仁点名做男主角的王梓轩却“压力山大”:“松哥初初叫我研究个戏,我荣幸之至,但系松哥叫我演利玛窦,我系好耐都冇答应。好大压力㖞,我何得何能?后来就系行咗先,最重要唔系我或者我嘅感受,最重要系件事喺大家心入面有个影响。”
刘松仁坦言非常享受创作与排练的过程:“真系好有力量,我哋演电视,系透过电视打入观众个心入面,影响你,舞台剧系成班一齐影响啲观众,好一致,好强劲嘅能量。每次我都睇到喊,唔知点解好感动。”虽然如此,刘松仁从未想过参演其中:“我净系想做观众,我唔钟意演戏㗎,讲出嚟都好笑,我唔系享受演戏𠮶啲人嚟。(但系你演咗40年㖞?)系呀,唔通唔使食咩?哈哈哈。”近年在幕前甚少见到刘松仁,他坦言不会再接戏,只因所有心思摆到《利玛窦》上:“我冇(其他)计划,我摆晒我自己落去,我自己行紧最后嘅阶段,然后里面其中一个就系《利玛窦》。”
新加坡国宝歌手陈洁仪担任女主角
王梓轩指刘松仁的精神力量非常强大:“佢一入间房系好似空气静止咗咁,然后𠮶条虚构嘅红地毡就出嚟。”刘松仁闻言表示,从电视台年代学习到何谓“压场”,又指过去自己太严肃:“后生𠮶阵我好严肃,因为好集中谂紧点演点演,直到有次我同陈玉莲拍嘢,佢啱啱相反。佢一入厂‘点呀你哋?’好开心嘅,我𠮶时学到嘢。于是,我以后返屋企见到阿妈就要笑,哗,好有力量,我系假(笑)㗎,啲肌肉硬㗎,我唔理我E(E起棚牙),E到我真系有个笑容出嚟,母子关系产生几大变化。以后同人倾偈倾咩都畀个笑容先,迟两秒讲都得㗎,呢样好嘢,唔好睇少笑容。”
至于女主角方面,今次由新加坡国宝级歌手陈洁仪(Kit)担任,刘松仁用“得意”来形容,他透露原本已经有女主角:“个戏由业余变咗职业,监制叫我揾个再有份量啲(女主角),我话唔得,人哋喺我最艰难𠮶时答应我。”最后,原定的女主角主动辞演,于是刘松仁找来邓卒雯:“点知佢话你唔应该揾我,佢就介绍佢好朋友阿Kit。”刘松仁更隆重其事亲自飞往新加坡与陈洁仪接洽:“讲晒成件事、讲剧情,讲咗几个钟,咁佢去厕所,佢话喺厕所听到首歌,好似有把声话‘你要做呀’,吓到佢即刻应承我,好好笑。我直头觉得系神蹟!”
其他文章:
73岁刘松仁脸色红润复工搞舞台剧 撑拐杖现身公开场合三年前演出期间曾跌伤
73岁刘松仁精神奕奕为爱犬切蛋糕庆生 身材日渐消瘦粉丝忧心健康
--------------------------
《星岛申诉王》已推出全新项目“区区有申诉”,并增设“我要赞佢”栏目,现诚邀市民投稿赞扬身边好人好事,共建更有爱社区。立即“我要赞佢”︰ https://bit.ly/3uJ3yyF
想睇更多精彩内容,请立即浏览“区区有申诉”活动专页,https://bit.ly/41hgS9E
>>>立即浏览【移民百答】栏目:新移民抵埗攻略,老华侨也未必知道的事,移民、工作、居住、食玩买、交通、报税、银行、福利、生育、教育。
>>>即读【新移民专栏】:新移民第一身经验,与你分享当下年轻移民生活日常大小事,即读“新移民专栏”。
iPhone:https://apple.co/2IBi812
Android:https://bit.ly/2Pe8anu
>>>订阅【加拿大星岛网电邮快讯】,每天可收到最快新闻资讯电邮:
https://www.singtao.ca/subscribe/singtao.php
>>>立即关注加拿大星岛新闻网TG Channel,让加国新闻无遗漏全天候向你推送:
https://t.me/singtaoca
>>>订阅CCUE YouTube 频道,查看更多吃喝玩乐、生活资讯影片。