独家丨陈国坤拍《反黑2》狠心粉碎囝囝演员梦 赞肥仔聪儿子好打得可拍《少年足球》
2017年，陈国坤（小龙）和导演宋本中制作网剧《反黑》口碑极佳，更成为首部登录Netflix的粤语剧。相隔6年，终于开拍《反黑2》，小龙及宋导表示疫情影响外，因剧本包含1830年到1997年的香港历史，资料搜集极花时间，提到已故的吴孟达更相当怀念。而曾客串《反黑》的小龙囝囝陈真，《反黑2》就冇佢份，原因系身兼主演及监制的老窦觉得佢冇天份，更大爆肥仔聪的囝囝又Cute又好打，可以开套《少年足球》畀佢拍。采访：杜杜 摄影：Stanley
讲到制作费达2亿元，更传有意邀请奥斯卡影帝罗拔迪尼路及安东尼鹤健士演出，宋导就澄清，“唔系我哋官方讲，制作费亦有限，用晒成部戏嘅预算都唔够请，我当然想啦！我都打过畀佢，不过话唔得闲，哈哈！一个系佐敦版，一个系旺角版，都唔得闲。”不过小龙承认有意邀请外国演员演出，“讲核心嘅黑势力嚟自外国，好想揾啲有份量嘅外国演员，大家都认识嘅。”
李璨琛冇份拍《反黑2》
小龙及宋导都希望原班人马演出《反黑2》，但上辑有份投资及演出的李璨琛，今次不会参与，宋导解释是“商业决定。”而他们觉得最遗憾是已离世的前辈黄树棠和吴孟达，提到达哥更特别感触，宋导表示《反黑》时，达哥已关心筹备剧本的进度，小龙又大赞达哥提点对他们帮助极大，“佢一句话就打通我哋任督二脉。”小龙又想到拍第1辑时对方的专业态度，“我哋定装、试衫𠮶日，佢已经搞好晒同佢角色有关连嘅嘢，同导演亦交代晒。”宋导再补充，“𠮶日仲要系佢生日，我好感动。”宋导最难忘写《反黑2》剧本时，达哥已病重入院，“有段时间我都好混乱，点样将历史同剧结合呢？！到吴孟达先生出事，我哋去见佢最后一面，佢仲畀到能量我，觉得一定要写好个剧本，𠮶吓火就上嚟，我真系好挂住佢！”
小龙感谢达哥的安抚
小龙相信观众都会挂住达哥，所以剧集会有致敬部份，但不会太刻意。小龙透露对达哥感情特别深，因入行拍《少林足球》第1个镜头就得到前辈照顾，令他永世难忘，“第1次同佢拍就拍咗37个take，就系我讲‘锋哥，边个唔识锋哥呀’𠮶个，我第1个镜头拍咗9千尺菲林，周生（星爷）当时已经好嬲，达哥慢慢安抚，仲同我讲咗好多嘢，有句好深刻，佢话‘有几多演员第1次拍戏就可以对住周星驰、吴孟达，畀咁多菲林去训练你，呢啲真系天赐嘅机会’𠮶句令我充满力量。”小龙话当时根本唔识得怯，因连自己做紧乜都未知，“第1次拍戏，朝早6点就畀张写满字嘅纸你背，5分钟后就拍，记得已经好劲。达哥拍拍我膊头，就系畀到一个定海神针。”
肥仔聪囝囝好有潜质
《反黑2》大部分在香港拍摄，小龙最开心，因为收工可以返屋企而非酒店。提到7岁囝囝陈真可以经常去探班，他就好无奈：“佢大个唔会挂住我，挂住去玩啦！我系佢伴读书僮嚟。”《反黑》时小龙太太黄伊汶和陈真都有份演出，但后者不会再参与《反黑2》。宋导都赞陈真靓仔，好有明星风范，但小龙认为囝囝非演戏材料，“之前喺青岛拍戏，佢放暑假嚟探班，佢问‘可唔可以试吓做演员’，𠮶套戏我有个女同佢差唔多大，我话‘你睇我哋拍先’，有场戏讲我个女喺我面前喊，我话‘做演员就咁，凌晨两点陈真你喊畀我睇’佢话喊唔到，我话‘你冇得做演员嘞，哈哈，演员要随时控制你情绪’。”
小龙一直有教陈真打功夫，但后者不及同样跟他习武的林子聪儿子林奕滔有表演天份，“佢同肥仔聪个仔系两师兄弟，肥仔聪个仔劲佢好多，武痴嚟，5岁打双节棍打到好似我咁，绝对有潜质，同埋佢真心钟意，成日上台表演，真系有表演欲，同埋佢系cute嘅肥仔，迷你洪金宝咁，又可以打侧手翻。”宋导即度到，“整个《少年足球》。”小龙再笑言：“硬憾《少林女足》，哈哈！讲啫做唔到。”小龙又谓只要星爷开声，随时准备拍《少林女足》，“佢叫到唔收钱都做，佢系神级人物，好多年冇见，但有联络，其实我哋好怕见到佢，好似见训导主任咁，好有压力，自己状况差啲都唔好见到佢。”
《星岛申诉王》已推出全新项目“区区有申诉”，并增设“我要赞佢”栏目，现诚邀市民投稿赞扬身边好人好事，共建更有爱社区。立即“我要赞佢”︰ https://bit.ly/3uJ3yyF
想睇更多精彩内容，请立即浏览“区区有申诉”活动专页，https://bit.ly/41hgS9E
《星岛头条》新网站有更多精彩内容：http://www.stheadline.com/
>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。
iPhone：https://apple.co/2IBi812
Android：https://bit.ly/2Pe8anu
>>>订阅【加拿大星岛网电邮快讯】，每天可收到最快新闻资讯电邮：
https://www.singtao.ca/subscribe/singtao.php
>>>立即关注加拿大星岛新闻网TG Channel，让加国新闻无遗漏全天候向你推送：
https://t.me/singtaoca
>>>订阅CCUE YouTube 频道，查看更多吃喝玩乐、生活资讯影片。
