Twins新歌《梦想与梦》呼应《风筝与风》 好姊妹容祖儿惊喜献声
成军22年，Twins于今个星期日（21日）展开一连十四场《TWINS SPIRIT演唱会》，演唱会前，二人率先为乐迷送上全新广东EP《WE ARE TWINS》，当中歌曲《梦想与梦》亦于今日（19日）上架，新歌是呼应《风筝与风》，展示Twins多年来在演艺路上，保持热诚的初心不变。
歌词充满心思，二人好友容祖儿更惊喜献声；远赴台湾取景的MV，亦出现不少呼应《风筝与风》二人于山顶放风筝的画面，是满满的回忆杀。Twins诉说这22年的旅程，就像做梦一样，“《风筝与风》呢件事系一个开始，但系我哋而家着得好华丽、好唔一样，回想番，好似经历咗好多，好似发梦一样。可以保持到咁多年，其中一个原因系呢个本身就系我哋嘅梦想。其实今次呢个MV有一半系一个梦境嚟嘅，后尾去番现实，就系去番放风筝。”
睽违六年再次推出实体碟，阿Sa表示现在很少人会出实体碟，“因为我以前细个个年代系钟意实体碟，攞住只碟好开心，同埋又适逢演唱会，希望大家钟意。”她表示今次音乐班底十分新鲜，“因为有一啲新嘅班底、又有一啲合作过好多次嘅音乐人，大家碰撞到出嚟嘅火花都几新鲜。”歌词方面，虽然二人没有给出明确的方向予填词人，但大家都不约而同地写出相似的东西，“因为佢哋都见证住我哋嘅成长，佢哋系喺佢哋嘅角度去写我哋，睇到系好感动。”阿娇则谓EP中的歌曲跟以前很不一样，“我哋由出道到而家每一张碟都尝试咗好多嘢，今次都有好多新嘅元素，亦都有回忆，因为我哋开演唱会，都想有新嘅作品带俾大家，咁耐冇出广东碟，希望可以有广东歌，又可以配合番我哋嘅演唱会，俾一个新嘅感觉俾大家。”
后日星期日（21日）演唱会正式开锣，二人都表示准备就绪，阿娇坦言开始感到压力，“有少少紧张啦，开始有少少手震，哈哈，有少少瞓唔着，有少少压力，ok嘅。”阿Sa则谓：“要准备嘅嘢都准备好㗎啦，而家系要好集中将所有嘢全部摆埋一齐。”
《区区有申诉》答问题送盆菜，现正进行利是公价问卷调查，编辑部会拣选最具创意的得奖者，送出价值$1698“新春佛跳墙盆菜”套餐或价值$198“五福临门煲”︰ https://bit.ly/3Ucj7tg
《星岛申诉王》已推出全新项目“区区有申诉”，并增设“我要赞佢”栏目，现诚邀市民投稿赞扬身边好人好事，共建更有爱社区。立即“我要赞佢”︰ https://bit.ly/3uJ3yyF
想睇更多精彩内容，请立即浏览“区区有申诉”活动专页，https://bit.ly/41hgS9E
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
