独家丨黄婧灵唔介意36E最强胸器成话题 黄金10年唔拍拖冲事业
黄婧灵（波波）在刚播毕的《妳不是她》，首次挑战“恋爱脑”角色“Yuki”，她直言以往都是恋情大过天，所以好易投入角色。不过25岁的她认为未来是人生的黄金10年，想在事业上拼搏，不急于拍拖。拥36E火辣身材的波波，仲话只要公司同意，唔介意性感演出。采访：杜杜 摄影：Stanley 发型:HoLA@Jay场地:Silllk Aromas Beauty
波波第一次饰演占戏较重的角色，好彩她拍过3次拖，同“Yuki”一样都是“恋爱脑”，“我𠵱家单身，今次演出都过到拍拖瘾，都会谂返以前拍拖好似‘Yuki’咁，以男友为心中，恋爱大过天，所以都好明白佢𠮶种心情。”不过自从拍完《后生仔倾吓偈》，她要兼顾学业同工作，想法开始改变，“知道原来爱情唔系世界嘅全部，拍拖只系其中一部份，觉得开心幸福，但都唔可以完全依赖呢样嘢，仲有好多嘢值得投放精神同时间。”
恨同偶像梁朝伟合作
会专注事业的波波，新一年最希望戏剧和综艺都可以有不同尝试，特别是演戏，“我钟意拍爱情剧，想做啲《野蛮女友》角色，有时好爽朗，有时又好依赖另一半，演到呢种反差会几得意，另外想做医生好正气，我都有睇《白色强人》𠮶类医生剧，唸一段专业名词好得意好有型。”综艺方面，她最想自肥拍旅游特辑，“一直好恨去芬兰嘅圣诞老人村，仲有去土耳其睇热气球，都好浪漫好正。”
出道以来，波波凭住36E好身材弹起，亦经常成为话题焦点，她对此完全不介意，问到会否学高海宁“封胸”？她笑言：“封胸定丰胸呀？！丰胸唔嫌多㗎！讲笑啫！哈哈！人哋只留意身材都冇办法，唯有尽量做好自己，令到人觉得我嘅实力较身材更值得讲。”讲到性感演出，波波就话只要有时间准备，著泳衣都无问题，“早啲讲等我操fit啲，拍嘢都想专业啲畀到个效果。”至于拍到《色戒》的尺度，就交由公司决定，“我好钟意梁朝伟，但都要睇公司，梁朝伟接得嘅戏一定正，反而担心自己衬唔衬得起。”
《星岛头条》新网站有更多精彩内容：http://www.stheadline.com/
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
