独家丨丁子朗想跟女神Ivy So拍结婚真人骚 参加《超星团》唱上瘾预告出歌做歌手
丁子朗最近在《妳不是她》首次担正男一，跟冯盈盈有大量亲热戏，单身的他好享受拍摄过程，直言过足拍拖瘾，不过他更希望拍结婚真人骚，梦想假结婚对象竟是友台COLLAR成员Ivy So。丁丁又开心表示参加《亚洲超星团》令他爱上舞台表演，更计划今年出歌正式做歌手。采访：杜杜 摄影：Stanley
丁丁大赞监制安排他跟盈盈开拍前的一日拍拖实习，让他们互帮对方拣戏服及为布景拣傢俬，对演出有好大帮助，“好记得我哋行傢俬舖时，令我谂返以前拍拖，真系会一齐睇傢俬，幻想dream house系点，系好独特嘅体验，令我哋更易投入做‘林信’同‘夏莉’，我哋拍嘅时候掂到傢俬同衫感觉都唔同，关系密切咗。”
工作行先唔急拍拖
剧中丁丁跟冯盈盈有大量亲热戏，未有另一半的丁丁坦言过足拍拖瘾，他称现在是搏杀期，唔敢谂拍拖，“26岁嘅我会工作行先，就算有女朋友，如情人节约食烛光晚餐，但突然有工作，我会谂都唔谂去工作先，好自私咁谂，希望另一半好支持我嘅工作，但要揾到同自己同步的另一半唔容易。”丁丁最恨拍类似韩国《我们结婚了》的真人骚，既可以展露真实一面，又可以过到拍拖瘾，问到假结婚对象？他想也不想：“Ivy So（COLLAR成员）囉！讲唔讲得㗎！哈哈！谂吓都开心！”
在《亚洲超星团》一直处于中游位置的丁丁很担心最后成绩，“𠵱家排30几中间位置，坦白讲都知自己能力中规中矩啫！排名系合理，因为呢个比赛我好享受舞台，以前我会好惊跳舞唱歌，但𠵱家好钟意表演嘅感觉，好渴望就算唔能够成团，也有机会去到最后个舞台。”丁丁认为就算未能加入男团，也能继续唱歌跳舞做表演，新一年以此为目标，“出唔出歌唔话畀你听住，哈哈！但呢个系2024年嘅目标，《超星团》系个好好嘅踏脚石，希望畀更多人认识我。”
《星岛头条》新网站有更多精彩内容：http://www.stheadline.com/
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
