山姆超市︱fb群組湧現山姆中伏個案 港女買護墊竟發現原來係咁

深圳山姆超市近來熱爆，不但成為港人北上消費熱點之一，更有多間旅行社開辦「山姆團」贈送會藉招徠。不過，近日有網民在社交平台facebook成立山姆中伏分享Group群組，分享在山姆買到的「中伏產品」，其中有女士買到護墊「全部側埋一邊」，防滲漏功能成疑。

護墊內層側向左邊

該名女網民周二（9日）在「山姆中伏分享Group」中發帖，表示日前從山姆超市購入一款外國品牌護墊，從她上傳照片可見，護墊內層竟側向左邊。事主狠批：「山姆的護墊真係好廢！全部都係側埋一邊！用過咁多個牌子都未試過咁差！」，不少人則留言「咁貼身嘅嘢都係用番香港、日本好啲」及「真心質量好差吓喎」等。

港女投訴護墊內層向左傾。中伏GROUP

氣炸鍋失靈。中伏GROUP

唇膏貴過香港10元。

有人稱買了一盒大泡芙回港才發覺「閂唔到雪櫃門」。

有人指山姆毛毯甩毛嚴重。

山姆超市近期熱爆。資料圖片

山姆超市近期熱爆。資料圖片

另有港人購買氣炸鍋回港後，才發現機器無反應，最後嘗試自行換掉插頭再試亦不果；有女士購買日本品牌唇膏回港才發現每支還要較香港貴10元；亦有人稱買了一盒大泡芙回港才發覺「閂唔到雪櫃門」，提醒「屋企雪櫃唔夠大嘅小心唔好買到咁大包裝嘅食物」；也有人指山姆毛毯甩毛嚴重，「搞到全身都係，好鬼煩」。有網民提醒「漸漸發覺在山姆買東西不要衝動」。

---

《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgY