星8卦｜“矮人”恃靓仔专食人妻 烂赌得罪“阿太”失靠山
见到“矮人”就唔开胃，系！阁下的确几靓仔，问题系生得矮呢，咁仲可以出到位，真系你做咗几多好事至有咁好运气！或者又可以咁讲娱乐圈已经一年不如一年，以前嘅明星气质喺今日嚟讲系绝响。
“矮人”虽然攞咗冠军，但运气始终麻麻，系好唱得，未遇到伯乐就无计。直到“阿太”喺一次演出对佢生滋猫入眼，决定出手同佢公司讲数，拎咗成七位数话要捧红佢。公司梗好㗎，有大水喉射住咪帮佢落力做，果然系无乜人材情况下，“矮人”凭住精致五官同正常嘅表现，渐渐俾人接受。可惜人嘅质素唔得，有“阿太”照顾令佢无后顾之忧，凭住名气周围沟女，最喜欢食人妻，话无手尾，结果太多女俾佢食过，一两个唔生性，就会扬晒出嚟，花心形象令佢扣咗啲分，但今时今日粉丝又唔系太介意。
最紧要令“阿太”决定唔再照顾佢嘅原因，唔系因为食女太多，自己都有老公，玩吓又有乜所谓，而系有钱之后，“矮人”回复以前嘅本性，成日过大海，又赌啲唔见得光嘅游戏，总之有得赌连自己姓乜都唔记得。短短一两年间，“矮人”输咗几百万，全部由“阿太”埋单，由当初喊晒要“阿太”帮到最近非找不可，“阿太”知道多多钱都唔够佢输，主动划清界线自保，睇吓“矮人”靠自己揾嘅去赌可以撑几耐！
【相关文章】：
星8卦｜“家姐”误信“有钱”以为有婚结 做好事救“妹妹”出生天
星8卦｜“阿太”心野想搞不伦恋上位 被“无敌”直白踢爆收皮冇瘾
《星岛申诉王》已推出全新项目“区区有申诉”，并增设“我要赞佢”栏目，现诚邀市民投稿赞扬身边好人好事，共建更有爱社区。立即“我要赞佢”︰ https://bit.ly/3uJ3yyF
想睇更多精彩内容，请立即浏览“区区有申诉”活动专页，https://bit.ly/41hgS9E
---------------------------------------------
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
点击以下6大平台 接收加拿大新闻及生活资讯
×