林超荣逝世丨林超荣三女写信送别爸爸 慨叹超人爸爸传奇人生煞青：一切嚟得太急！
人称“超人”的著名编剧林超荣昨日（12日）惊传病逝，享年61岁。林超荣生前为港台主持电台节目《开心日报》，而今早（13日）播出的《开心日报》制作了“怀念林超荣特辑”，一众主持分享与林超荣相处的点滴，与林超荣私交甚笃的陈淑兰，在节目尾声读了一封由林超荣三个女儿写给爸爸的最后一封信，与及点唱了卢冠廷《一生最爱》送别爸爸。
【相关阅读】：林超荣逝世丨陈淑兰ICU见超人最后一面 形容进入昏迷状态偶然眼珠转动有反应
【点击睇林超荣生前主持《开心日报》相】：
陈淑兰赞林超荣三女好乖
港台DJ杜雯惠、陈淑兰、黄桂林和标爷等人今早（13日）主持《开心日报》，杜雯惠和陈淑兰全程声沙沙，忆述与林超荣的相处，多次出现哽咽。林超荣与专栏作家屈颖妍结婚并育有三名女儿，陈淑兰和杜雯惠在节目上赞林超荣的三个女儿很乖，杜雯惠说：“其实超人好爱佢屋企人，系好锡佢三个女，成日都提起佢哋，我㖊日系第一次见到佢哋，好叻，感觉系教得好好，好有礼貌，三个女都好爱爹哋，我睇完𠮶封信之后，觉得佢哋系得到超人嘅真传。”陈淑兰称虽然昨日在医院大家都很伤感，但曾向林超荣的女儿提到将会有一个节目送给她们的爸爸，于是向她们提议，不如选择一首歌送给爹哋：“佢哋话爸爸有好多歌，不过好老土，我哋返去谂下。”最后她们挑选了《一生所爱》并亲手写了一封信。
“将粗口发挥得淋漓尽致”
陈淑兰在节目上代林超荣的女儿读出这一封信，期间多次哽咽，但她依然继续读下去：“超人爸爸嘅传奇人生，昨日煞青咗，我好钟意亦好唔舍得呢个唔梳头，得番4只牙同拎住一个穿窿纸袋，入面袋住三本书，仲系过期未交罚款，同埋将个粗口发挥得淋漓尽致嘅爸爸。爸爸，个个嚟探你嘅朋友都话你真系好好，又搞笑又轮鬼尽，但系乜人都帮，讲到帮人，爸爸都有有志不得伸嘅时候。讲个秘密俾大家听，爸爸其实一直都想做区议员，除咗可以帮人之外，仲有个天大契机，就系可以喺区周街免费泊车。”
为林超荣澄清一日冲两三次凉
陈淑兰续：“喺《开心日报》报道主持离世咁伤心嘅消息，成件事好有爸爸嘅作风，你乜都睇得咁乐观，爸爸系冇嘢做唔成，唯独系做唔到嚿电芯，因为爸爸只有正极，系冇负极，正能量爆满，爸爸系所有人心中嘅开心果。好挂住𠮶个10点半电台开工，10点先听到电话响，再听多一句‘哎呀’，然后牙都唔擦就冲去返工嘅爸爸！我问你个口咁臭会畀人闻到，但系你话‘是但喇’，啲听众都闻唔到。无错，爸爸真系好污糟，不过，帮佢澄清返，大家都以为爸爸污糟到唔会冲凉，其实爸爸一日系冲两、三次凉、一日洗廿几套衫，只不过都系得一条底衭。”
【点击睇圈中好友哀悼林超荣】：
陈淑兰续读：“爸爸，你咁钟意讲嘢，喺另一个世界，记得开返场栋笃笑任你噏，再开间书店同文具店，到时大把笔畀你偷，冇人再话你用钢笔用到漏墨只手变黑色喇！爸爸生前真系好钟意笔，见笔就攞，前日已经得到朋友马小强证实，爸爸系患有‘恋笔癖’，爸爸对笔嘅喜爱程度，大致动用伊利沙伯医院医疗团队，为已经转院嘅爸爸喺旧病房找寻失物铅笔一支，当中有夸大成份，请自行斟酌。”
林超荣三女亦在信中提到爸爸的好心事：“爸爸，你喺滂沱大雨中，都不忘拯救一窦BB猫，唔知系咪因为佢哋喺你书店大，成日昅你做紧乜嘢，而家越嚟越似你，畀我哋叫做肥仔，又系一只污糟猫，一切嚟得太急喇，最后一句，听爸爸你讲嘅嘢‘哗！梅菜剁猪肉，正呀’，边有人做化疗都咁有胃口㗎，爸爸，你真系好努力、好叻、好犀利，我哋永远爱你，你永远都喺我哋身边，虽然WhatsApp嘅讯息以后都唔会全现已读，但系你对我哋好，对我哋嘅付出，呢一生人做过嘅好事，我哋所有人收到晒，再见喇，爸爸！”
【相关阅读】：
林超荣逝世丨师傅黎文卓爆徒弟两个月前响警号 激瘦15磅证患血癌化疗后被细菌感染
林超荣逝世｜猝逝原因曝光！田启文揭中新冠肺炎感染并发症 昨晚突发入院
林超荣逝世｜林超荣两年前谈生死人生无憾 自揭立平安纸留物业予女儿
林超荣逝世｜90年代接替曾志伟主持《开心主流派》爆红 《低俗喜剧》成近年代表作
《星岛申诉王》已推出全新项目“区区有申诉”，并增设“我要赞佢”栏目，现诚邀市民投稿赞扬身边好人好事，共建更有爱社区。立即“我要赞佢”︰ https://bit.ly/3uJ3yyF
想睇更多精彩内容，请立即浏览“区区有申诉”活动专页，https://bit.ly/41hgS9E
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
