巾帼枭雄之悬崖丨黎耀祥胡定欣第8度合作展默契 曾励珍往横店探班一招慰劳剧组

由腾讯视频及无线电视联合出品的《巾帼枭雄之悬崖》，由黎耀祥、胡定欣、萧正楠、罗天宇、陈晓华等人主演，黎耀祥久违拍剧，令观众期待。《巾帼枭雄之悬崖》剧组于横店马不停蹄进行拍摄，助理总经理（戏剧制作）曾励珍和制作部总监（戏剧制作）徐正康日前专诚前往横店探班，为台前幕后打气，曾励珍还自掏腰包请食饭，气氛愉快！

【相关阅读】：巾帼枭雄4｜邓萃雯撰长文吐辞演真相 否认内地人气急升拒接剧

【点击睇《巾帼枭雄之悬崖》探班】：

大家忙里偷闲食饭放轻松，相当愉快。

祥哥都有万岁请大家饮嘢！左起：庄思明、马海伦、黎耀祥、曾励珍、关嘉敏、邵初。

左起：庄思明、马海伦、黎耀祥、曾励珍、关嘉敏、邵初、徐正康、编审张华标、监制方骏钊。

徐正康、珍姐和方骏钊工作认真。

剧组气氛融洽。

剧组气氛融洽。

祥哥为大家介绍横店的港式茶餐厅。

嗌到成枱都是美食。

祥哥食到不停口，看来好满足。

视帝黎耀祥期间亦有万岁请大家“喝饮料”，众人更在写上“英俊潇洒、气宇轩昂、玉树临风、全组最爱的祥哥又…又…又…又…又…又…请大家喝饮料！”的水牌前合照，热烈又融洽。讲到珍姐和徐生探班，黎耀祥受访时说：“今次冇乜时间带佢哋去玩，系最后一晚珍姐请大家食饭，佢睇咗片之后都好满意，觉得成个制作都好唔同，既有 TVB 嘅特色，又有内地制作上嘅配合，好有大片嘅感觉！”黎耀祥透露是次拍摄行程十分紧密，差不多日日都要开工：“冇乜时间叉电，有段时间系 A、B 组咁拍摄，拍完 A 组就过 B 组，有时早咗少少收工就出去食饭。”提到与胡定欣第八度合作， 黎耀祥说：“佢都算系我喺 TVB 合作最多嘅女演员，所以今次合作都好有默契，大家都会一齐食个饭，工作上有啲咩都会交流吓。”

黎耀祥胡定欣有默契

至于拍摄难忘事，黎耀祥说：“今次同好多内地工作人员合作，畀到我好新嘅冲击，呢度地方比较大，个景都丰富啲，戏剧嘅效果都会加强咗，同埋监制（方骏钊）对我哋好好，佢专登安排咗啲饭盒系少啲油、盐、糖，通常都系三菜一肉比较清淡啲，大家都食得好习惯。”在横店工作虽然忙碌，但黎耀祥一有空都会出动 “食好西”慰劳自己，黎耀祥日前在社交网介绍横店港式茶餐厅，更成枱都是香港地道美食，有咖哩鱼蛋、鱼蓉烧卖、菠萝包及叉烧等，黎耀祥全程大大啖食不停， 相当满足！

胡定欣忙到冇时间运动

胡定欣受访时亦坦言日日都要开工，胡定欣说：“呢套剧通告好多好密，真系好少机会出去食饭，珍姐同徐生嚟咗大家可以早啲收工，大家一齐食个饭放松吓，如果唔系真系冇乜机会。”胡定欣坦言开工头一个月特别忙：“我嘅银行主景要连开十几日，之后亦都有唔同嘅景连开几日，第一个月真系好辛苦，冇乜点休息过，内地有说法叫顶天立地，即系头场去到尾场都系你！”身材 Fit 爆的胡定欣热爱做运动，可惜今次带备运动装都得物无所用，胡定欣说：“自己带嚟嘅运动衫都冇郁过， 反而一有时间尽量瞓番多啲叉电。”

胡定欣赞黎耀祥是学习对象

胡定欣指今次角色对体力、精神消耗比较大，拍摄期间消瘦不少，胡定欣说：“今次唔使做运动都消瘦咗，啲衫裤都松咗，系真系开住工瘦！我本身都少食淀粉质，但拍呢套剧消耗比较大，所以都一定要食饭，但系消耗实在太大，食完饭之后，拍完一两场就已经开始肚饿！”至于今次再与视帝黎耀祥合作，胡定欣坦言：“同祥哥合作咗好多次，对上一次系《公公出宫》，都隔咗一段时间，每次同佢合作都系一个学习机会，好似再上堂咁。今次嘅角色同以往好唔同，要应付好多大场面同长对白，祥哥系一个好好嘅 Model，畀我去好好学习。”