68岁金燕玲花五年接受同性恋！否认因离婚变挛 大爆苏施黄冧爆追求招数
曾四夺金像女配角的68岁金燕玲演艺之路顺风顺水，可惜情路崎岖。经历过两段失败的婚姻后，金燕玲于年届50之时回流香港拍戏，机缘巧合下遇上现时的伴侣苏施黄，二人同甘共苦18年，让她终觅得好归宿。近日，金燕玲接受由卫诗雅主持的网上节目《卫食攻略》访问，大方剖白“性向转变”的心路历程，还爆当年被苏施黄的追求招数。
【相关阅读】：苏施黄完成化疗3个月手肿麻痺脚板凸起 全日摊牀休养吓亲金燕玲
【点击睇金燕玲谈爱情】：
金燕玲曾有两段婚姻，1975年嫁采蝶轩老板梁廷斌，婚后定居英国，惜维系6年便结束；直到1989年，她因意外怀孕与英国执业大律师Robert Wong结婚，无奈老公传有第三者，金燕玲为给女儿一个完整家庭，选择忍气吞声，最终在囡囡鼓励下离开英国，2005年宣告离婚收场，当时已经50岁的她回港遇上苏施黄。
否认受刺激爱上女人
节目中提及忽然转性取向，金燕玲直言：“我唔系因为离婚受咗刺激，从此对男人冇兴趣，结果就钟意女人，我完全唔系咁样！我系因为佢（苏施黄）畀咗一个照顾我嘅方案，但我话：‘我唔系挛㗎㖞。’，之前系完全冇谂过，同埋我话：‘我唔识㗎㖞，你要做乜㗎？’，哈哈！”
金燕玲续指，起初双方只是雀友关系，一点都不熟，后来见过几次面，苏施黄展开攻势追到去英国，她甜笑道：“你都唔知佢追我时系几咁romantic，佢情人节飞嚟伦敦一日。佢呃我话有个朋友会嚟伦敦，问我喺香港有乜嘢需要买，托佢拎畀我。我话英国好难买中式镬，如果佢朋友唔介意就帮我买两只镬过嚟啦，之后佢话朋友到咗英国，畀咗酒店地址叫我揾佢攞，第二日晏昼去到就系佢！”及后，金燕玲随对方上房食晏，闲谈期间她更毫不避忌问对方：“你系天生咁样？”
【点击睇苏施黄病愈近况】：
金燕玲又不讳言，当时只是“贪图”苏施黄的照顾：“你系我嘅partner，我哋系一齐住，你出去你都系我嘅the other half（另一半）。”最终，两人相处了差不多五、六年才觉得舒适，她坦言被对方改变了许多想法：“我从‘唔知挨到几耐’嘅心态同佢开始，结果我同呢个人嘅时间系长过我两段婚姻加埋！佢从来冇逼我做任何事。我哋一人一间房，生活独立、经济独立，但系屋企照顾佢做到嘅佢尽量照顾晒。”
回想过去两段婚姻，金燕玲说：“以前两段婚姻我系奉献，对方钟意呢样嘢，我就去做，氹佢开心，付出系冇问题，但付出到冇自己就系一个问题。”并警醒女士们：“为屋企为老公为仔女付出系应该，但你唔可以冇咗自己，你应该要保持自己嘅兴趣，同埋工作。”
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
