独家丨63岁蔡枫华冇女都唔会“食粉丝”:会身败名裂㗎 自揭跟港姐有雾水情曾被肥胖女歌手屈

疫情后蔡枫华(Ken)不断开骚，继去年10月及今年6月先后举行4场个唱，本周5及周6再演两场。他咬牙切齿表示：“我呢个年纪(63岁)仍然敬业乐业，唔使旨意赶绝我！”激动过后，“红唇王子”开心自爆当年好有市场，曾跟3位港姐亚军有过雾水情缘，好命嘅话一早有后代，虽然目前单身，强调唔急揾另一半，但又叫记者介绍，又讲明“唔会‘食粉丝’！”对于被封“乜王”多年，开到口希望大家可怜吓老人家，更不吐不快大爆曾被肥胖女歌手老屈，嬲到今时今日。采访：方骞平 摄影：朱伟彦 场地：鮨勘@尖沙咀海运大厦

蔡枫华于本周5及周6移师香港文化中心举行两场《蔡枫华“永记情深”演唱会》，他强调在文化中心周五及六晚开骚唔容易，但终极目标，希望有生之年再登红馆开个唱，因为11年前，张耀荣只为他开一场唔够喉。

蔡枫华多年来坚拒食“免费餐”，绝对唔会玩one night stand。

Ken向来对感情好认真。

Ken叫记者好介绍女仔给他。

阿Ken自爆曾“被派帽”。

蔡枫华强调做艺人要有道德唔会“食粉丝”。

今次拣喺文化中心，仲系周5/6晚开骚，阿Ken话相当难得。

阿Ken对上4场荃湾大会堂演唱会叫好叫座。

11年前阿Ken红馆开Show，但只开一场唔多够。

真系冇作歌畀陈秀珠

Ken期望似刀郎可以凭《罗刹海市》大翻身，透露今次开Show将演绎自家创作的全新情歌。他又解释第一首作曲嘅经典歌《倩影》，绝对唔系传闻中为陈秀珠而写：“𠮶时我经已有女朋友，只不过拍广告时认识陈秀珠，有晚我哋喺九龙城街头相遇，咁啱有空档就去咗尖沙咀饮杯咖啡，期间有向佢提及过首歌，可能佢将两件事加埋咗。佢仲好笑，当时泼我冷水话‘唔慌会好听！’”

阿Ken否认处男作《倩影》为陈秀珠而写，讲极都冇人信。

1984年陈秀珠演《笑傲江湖》嘅任盈盈，迷倒唔少男士。

问记者有冇女仔介绍

阿Ken澄清多年野史后，再自爆真系有作过情歌畀女艺人，但就不便开名，“佢哋个个住豪宅，有仔有女，有个结(婚)得好好，有个结完又离…”语毕，他又兴奋地爆多少少：“我曾经同3位港姐亚军食过饭，个个靓女嚟揾我，但我冇感觉，自己用情好专一，而且唔钟意娱圈嘅男女关系，亦自觉好卑微，当时系红又有乜用？又唔系发哥揾到咁多，冇亿亿声，所以同佢哋讲：‘你哋系属于有钱人家。’哈！所以我好羡慕李克勤、陈豪咁好嘢，可以娶到港姐冠军，连靓女都肯下嫁。”阿Ken亦曾“被派帽”，女友一脚踏两船，他自嘲：“绿帽唔怕戴，最紧要除得快，不怕人负我，只怕我负人，当年我系偶像派，签婚书会死人，但对方会质疑。当时我同佢(女友)表明‘你走还走，留低个仔畀我。’点知佢落咗，仲叫我放低5000蚊畀佢…”

80年代，港姐质素好高，包括82年港姐亚军邝美云。

86年港姐亚军吴婉芳都好靓女，唱歌又好听。

蔡枫华以前有“红唇王子”封号，1981年跟庄静宜合演剧集《IQ成熟时》好靓仔。

当年靓仔“芹菜”于剧集《IQ成熟时》跟邓蔼霖合作。

昔日“红唇王子”蔡枫华演三角关系。

阿Ken当年系剧集男一。

蔡枫华羡慕陈豪有靓老婆陈茵媺。

羡慕李克勤娶到港姐冠军卢淑仪。

阿Ken声称63岁冇人要：“𠵱家都系揾个伴嚟陪我啫，你(记者)有冇好介绍？”另外，他择偶有原则，一定唔会“食粉丝”：“作为公众人物要有啲德行，试过喺disco门口有女仔冲上我车，我点敢呀？会身败名裂㗎。而且Fans视偶像系神级，不吃人间烟火，原来都系会挖鼻屎及大便嘅麻甩佬，自然会嫌弃你。”

阿Ken仍有唔少“蔡粉”，但他认为女人多就好麻烦。

Ken年年搞生日会和fans聚会。

唔好再讲“乜王”会还手

问阿Ken觉得在乐坛处于咩位置，他称只系“small potato”：“但我有真正香港人精神，俾人屈、奚落、陷害咗咁多年，我冇EQ仲生存到今时今日？”他不忿说：“你知唔知我承受咗几多嘢呀？有个身型非常肥胖嘅女人(女歌手)，公然话帮过我好多，又唱我攞嚟衰，佢帮过我乜呀？我成世人冇同佢讲过5句说话。”对于“乜王”及“一杀那光辉不是永恒”事件，阿Ken仍耿耿于怀：“我真系忍咗好耐，大家可怜吓呢个老人家啦，我都系人嚟嘅，𠵱家我当自己系抗日战争，边个赶绝我就会还手。”

肥妈一向好钟意帮人，心地好好。

阿Ken咬牙切齿强调唔系“乜王”，仲话，“如果系，点会开到咁多场个唱？”

阿Ken对“一杀那光辉不是永恒”风波仍然耿耿于怀。

蔡枫华(Ken)跟张国荣冇心病。