刘銮雄记者会丨讲完《东张》再讲《爱回家》女演员 首次接触潮语“坏过凯婷”：吓？
富商“大刘”刘銮雄今日（10日）突然召开记者会，澄清内地多篇文章指他命危，将“甘比踢出局”等失实传闻，虽然未有指名道姓，但其间多次大爆旧爱吕丽君臭史，更直呼对方为“贱人”。今年初记者会大刘更提到《爱．回家之开心速递》角色“食屎陈师奶”，今日大刘再讲《爱回家》外，还提到《东张西望》，又回应记者讲潮语“坏过凯婷”，非常爆笑。
【相关阅章】：刘銮雄记者会全程直击！大刘透露将改遗嘱“执行老婆意思” 坦言开记招目的：至少还一个公道畀太太
【点击睇大刘记者会】：
批《爱回家》某女演员笑得硬胶
今日记者会尾段，身为粉丝的大刘被记者问到有无继续看《爱．回家》，大刘直说：“有！”至于有无叫子女多点“回家”，大刘斩钉截铁的说：“无！因为佢哋个个都会。”之后大刘还续言：“你讲起《爱回家》就好笑，我见到有个角色，唔开名啦，废事话我针对佢；佢笑起上嚟真系硬胶，肌肉实到唔识郁㗎！（边个啊？男定女？）男就好少整到咁硬胶，梗系女㗎啦，啲肌肉真系硬晒唔识郁，咁人哋都系为咗揾食。”
以《东张西望》个案作例子
记者会期间，大刘亦提到全城热爆的节目《东张西望》，原来大刘睇《爱．回家》前也有睇《东张》，提到分身家一事，大刘就以《东张》日前的个案作例子：“有冇睇早排《东张西望》？有个肥女人嫁咗四次，结果连个仔公屋个名呃埋。”
除电视节目，自称不会用电话、电脑的大刘，今日亦经记者接触到潮语“坏过凯婷”。大刘狠批“贱人”我见坏人都见唔少，但咁X贱咁X坏嘅人，都系第一次见。”此时有记者问：“坏过凯婷？”大刘显得有点一头无绪：“吓？坏过咩？咩凯婷？”记者解释是潮语，意指好坏嘅女仔，大刘说：“我唔知，真系唔识呢啲嘢，我呢啲又老又out，而家识喇，但我都唔知咩意思。”记者续说：“食烟就系坏，佢（凯婷）食够两支。”大刘：“咁你认为食烟坏唔坏，你话食白粉、食可卡因，定系食烟坏吖？”意外拆解凯婷食两支烟其实不算太坏！
评恒大歌舞团：好大个箩柚
记者会上亦提到恒大损手一事，其间有大刘问到有否去过“恒大歌舞团”，大刘直说：“第一，真系完全冇，我发誓！第二，好多大陆朋友最兴用女色嚟Please男人，你认为大陆朋友用女色嚟please我work唔work呀？唔work囉我同你讲，讲完啦，𠮶啲咁嘅嘢第一，虽然我今日又老又企都企唔稳，我都唔系要识𠮶啲咁嘅……”
不过大刘直言有见过“恒大歌舞团”的照片：“有冇睇𠮶啲相呀？个个箩柚都着咗打底裤，都好大个箩柚，我见到啲相咋，我未见过啲歌舞团。每个人做生意方式都唔同，起码你冇乜听过我揾班靓女出去应酬呢啲商界朋友，个个style都唔同。”
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
