中年好声音2 丨李振鹏一王四后零独唱被淘汰惹民愤 队长陈燕娜负评缠身：我唔会争嚟自杀！
TVB歌唱真人骚《中年好声音2 》的比赛进行得如火如荼，在周日（5 日）晚播出的一集是第四部曲《廿六强劲歌金曲淘汰赛！》，26强选手将轮流演唱《劲歌金曲》的获奖金曲，争取晋级机会中，不过在上月27日（周日）播出的30强团战上，发生了小插曲，近日有网民在《中年好声音2 》的FB群组出po，因李振鹏被淘汰而觉得不公平，要求让李振鹏“复活”！
【相关阅读】：中年好声音2 丨李蕙敏久休复出任评审星味依旧 大热刘可搣甩哭腔竟遭伍仲衡狠批？
【点击睇网民望李振鹏“复活”】：
李振鹏出战以来，一直得到评审赞赏，在首轮李振鹏演唱《最爱是谁》而获得5灯晋级，当时评审张佳添和陈慧娴人赞不绝口，殊不知在30强团上，李振鹏与陈燕娜、陈丽媚、简洁明及麦素华四位女将以一王四后组合演绎《路黑山高锡人夜》，结果李振鹏在没有独唱的情况下被Foul走，整晚表现似Dancer多过歌手，惹来网民们戥他不值，纷纷在《中年好声音2 》的FB群组出po狂轰！
队长陈燕娜成箭靶遭网民围攻
有网民将矛头直指担任队长的陈燕娜（Alice）和星级导师Eric Kwok，有人说：“公道啲讲句，李振鹏系无辜牺牲品，根本冇机会真正畀佢唱！论几个唱功佢不是最差一个！ 讲跳舞佢都ok吖！(注)我并不应识李，只系以自己角度去睇，大家又同意吗？”、“Eric kwok 身为客席导师居然会出现呢啲问题。佢都有一部分责任， 当然最自私就系呢四位女士。尤其系个队长佢应该辞职！”、“之前几队讲到咁严谨，各成员都有发挥机会，头队仲要揾男声衬托到个女声，点解振鹏无平等对待同机会，完全无发挥时段落，净系要佢伴舞，唔公平”、“李生今次根本是表演跳舞，女士每个都有独唱，唯独佢冇，仲要最后冇得留低实在不公平。”
陈燕娜强调只是参赛者并非话事人
身为队长的陈燕娜亦两度现身为事件解画，她说：“Eric Sir系同意振鹏solo chorus + 轻微和音。但最后彩排嘅时候，我哋组畀人话呢个编排唔好，觉得我哋咁样系无团体feel好似大家各自唱咁，觉得chorus应该一齐唱一齐跳，所以建议我哋改。如果我哋坚持唔改，最后如果foul两人呢？”眼见网民越讲越激烈，陈燕娜再留言：“我从来冇争过要唱多啲，我根本唔识首歌，入都唔知点入， 唔会争来自杀。我多咗句英文，系因为有人坚持要有英文部分，但有组员话英文佢哋搞唔掂，所以我同素华先多咗，振鹏亦讲咗，除咗chorus佢唱到，其他嘅对佢来讲太低/高音，佢唔想勉强唱而影响整体表现。冇错系我自己拣首歌，系因为PK 赛我好后先入围，识嘅歌都被人拣晒，你可以话我维护自己咩都好，但我只系觉得因为我系队长，全世界就觉得一定系队长安排，但我只想讲，我哋都系参赛者，而且唔系话事人，我已经尽咗力解释，我唔应该讲太多。”
李振鹏亲自出po称尊重赛制
最后李振鹏亲自出po回应事件：“大家好，我系李振鹏，首先好多谢大家对我嘅支持，我觉得要参加一个比赛，我哋一定要尊重赛果及主办单位和大会嘅决定，呢个先系一个参赛者应有嘅态度。再一次多谢大家对我嘅关心同爱护，实在万分感激。”当日比赛后，李振鹏在访问上坦言有被淘汰的准备，他说：“始终呢首系女仔歌，系我自己拣，始终拣咗系冇得返转头，唱嘅部份系比较少，因为个key唔啱，我喺中间𠮶段系唱高咗8度，其他根本系唱唔到，唯有将个故事气氛搞得火啲，我觉得自己好尽力做呢个post，扭到我脚都痛埋，膝头哥又瘀晒，行路都唔知点行，但系觉得好值得，我冇后悔，今年唔得咪下年再嚟。”
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
