星级品味｜靠收藏天价Hermès手袋致富？樊亦敏揭成小富婆之道：要分散投资
“隐形富婆”成为了樊亦敏近年的称号。现年52岁的她，不时被传媒指“戴成层楼出街”，樊亦敏曾戴炒价达500万的劳力士“彩虹地通拿”（Daytona Rainbow）出席公开活动，又曾携炒高达60万的桃红色鳄鱼皮Hermès Birkin现身，因而得名。但樊亦敏接受《星岛头条》访问时笑指：“我买嘢好佛系，唔会玩咩配额（配货），个袋炒到好贵，我宁愿唔买唔用。”
其实樊亦敏说的有迹可寻。翻看她出道多年的照片，先后见过樊亦敏的各式各样“行头”，可以看到樊亦敏的著用品牌有平有贵，当中包括Longchamp、Prada等等。
“我唔主张为咗炫耀自己嘅身份，去用或者去做任何一样嘢，我会觉得，唔系你用咗一个袋，或者用咗一只乜嘢表，就代表到你有几有钱，或者你系乜嘢（人）。”樊亦敏经常在出动私伙袋拍摄《爱·回家》，如Hermès Birkin、Kelly等私人珍藏都曾经在剧中出现。不过剧中“三太”的高调富贵，与樊亦敏本人不尽相同。
樊亦敏靓手袋逐个睇：
樊亦敏成小富婆之路：
因陈百强钟情Versace
“我自己本身觉得用名牌手袋唔系为咗炫耀，最紧要自己睇下咩场合用，睇下啱唔啱用。我都冇话特别钟意咩牌子，我买嘢好佛系，即系有就买，冇就唔买，见啱就买，我又唔会特登配额去买。”
樊亦敏自言没有特别钟情哪个品牌手袋，惟独是陈百强钟爱的品牌Versace便曾经令她“入坑”。“我好记得那时我好钟意陈百强，佢好钟意紫色，所以因为咁，我都好钟意紫色，那时我就系要揾一个紫色嘅手袋，𠮶段时间我买亲所有袋都系紫色，亦都因为佢钟意一个品牌（Versace），所以我都钟意咗，因为佢啲手工亦都好靓，当时我都已经很疯狂，但都喺我可以应付到嘅范围。”
樊亦敏笑言自己“资历深”，基本上大小品牌的手袋都曾经拥有，而她会购买的名牌手袋，大部份都是因为欣赏其手工，“当然仲有佢嘅质量，即系会欣赏佢背后嘅故仔，我觉得（名牌手袋）系好似一件艺术品，系一件靓嘅嘢。”
不过樊亦敏坦言她购买手袋从来不是为投资，“我就唔会去为咗买一只袋去做配额，总之你买完呢个袋，就要买埋其他嘢𠮶种，我就情愿拣唔买，你话个袋炒到好贵，我情愿唔买唔用。”她续说：“我觉得要量力而为，同埋自己嘅资源分配要分喺唔同地方。”
定期审视财政状况 设定投资目标
的确如此，樊亦敏除了是圈中出名拥有Hermès的女星外，亦一直是传闻中因投资眼光独到而“致富”的女艺人。
提到投资，樊亦敏坦言无法分享“买咩最稳阵”，但她认为投资最重要是要自己做study，“你真系要知道𠮶样嘢系乜，要自己睇多啲市场上嘅嘢，参考多啲，同埋选择一啲隐阵啲嘅嘢。”她指自己不时会审视财政状况，建立个人理财能力，“有啲嘢唔应该keep嘅就要放咗佢，同埋你自己心里面有个目标，例如买呢样嘢或者股票咩都好，到某个百分比，我大约赚到咁上下，我预咗咁多我就要放。”她认为女性有必要花钱投资自己人生，“要增值吓自己，因为唔同阶段有唔同做法” 。
另外，樊亦敏认为投资选择重点在于不要道听途说，“唔好净系听人哋讲啲唔实在嘅嘢，你要去投资一样新嘅嘢，一定要做study，考量下呢间公司嘅背景，甚至乎系佢嘅业绩。 同埋都系𠮶句，你系要冇咗𠮶笔钱都冇问题（先好投资）。”
👇🏻👇🏻👇🏻点击睇埋其他“星级品味”👇🏻👇🏻👇🏻
汪明荃罗家英Gucci情侣装又出动！曾豪花22万买高订做战衣 呢个牌子都系阿姐至爱
91岁胡枫潮爆LV造型现身！原来一袋多用 细数“斜孭袋王”历年款式有平有贵
黄宗泽豪宅家品逐件睇！中价品衬出高级感 不用百元竟买到类似款
甘比再晒Hermès订制Kelly企鹅手袋！ 全球独一无二有钱都未必买到
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
