独家丨谢安琪听到戏瘾大发仲偷到师 张继聪白只研究演技讲足全日

谢安琪（Kay）相隔7年再拍戏，跟新晋唱作歌手Anna hisbbuR在电影《4拍4家族》演两姊妹。虽然Kay今次冇再揾白只帮手，但从他及张继聪身边偷师多年，对演技都帮到手。戏中提到失忆，Kay最唔想忘记跟家人相处的快乐时光，包括结婚时得到大家的祝福，及跟张继聪对望的眼神。采访：杜杜 摄影：罗安强 发型:Zap Tang 化妆:Kris Wong 服装:Max Mara 场地:ClubONE

7年来，Kay收过唔少剧本，但角色不是太难就是欠发挥。

Kay觉得22岁的Anna好有型，最初都担心导演能否说服她演出。

自2016年拍摄TVB剧《僵》后，Kay冇再拍戏，因为未遇到适合角色，直到遇到《4拍4》，“剧本个主轨系围绕女角，音乐元素又用得好好，家庭冲突同之后发展好自然，睇到剧本觉得机会嚟嘞！”今次她冇再揾白只做acting coach，因他跟张继聪爱在她面前研究演技，经常有机会偷师，“有个好劲嘅人，助手或者伴读书僮，都涉猎咗唔少，佢哋可以由午饭倾到食埋宵夜都未完，佢哋研究演技好有趣，令我都好想做演员去感受呢个乐趣。”

Kay平日一边整嘢食一边听张继聪和白只研究演技。

Kay有不少感情戏，闹仔爆喊一幕，令人感动。

Kay同Anna好多话题

Kay早在网上留意Anna的歌，所以初次合作都有好多共同话题，“我哋共通语言就喺零食。”而有机会与天后合作，Anna觉得好神奇，“去唱K一定会唱佢嘅歌，突然做咗我家姐，朋友都劲葡萄我，发达嘞！”初次拍戏的Anna，赞好合作气氛，“冇谂过有咁亲切嘅感觉，始终拍戏都系开工，但体验好似屋企人咁。”

Kay和Anna最难忘两姊妹在天台收胸围时互打。

电影讲音乐人辛酸，Kay要疯狂兼职才能继续追梦。

导演一直揾唔到识弹Bass的演员，于是揾创作主题曲的Anna去演。

戏中Kay要面对失忆，现实中她最不想忘记跟家人的相处时光，“爸爸妈妈同我细个嘅回忆；我啲小朋友出世；结婚𠮶日经历大家嘅祝福；我同我先生对望嘅眼神，都唔想忘记。”不过电影令她重新思考回忆的重要性，“经历过以上讲嘅情景，已经满足咗，同埋我先生、小朋友都有同样回忆，我记唔记得系咪真系咁紧要呢！？”而Anna最想保留的回忆，就是首次在港睇偶像G-Dragon的演唱会，“未试过人生系咁开心。”

Kay早前一家去澳洲旅行兼为大仔揾大学。

Anna 提到G-Dragon个冧样，有几钟意呃唔到人。

《星岛头条》新网站有更多精彩内容：http://www.stheadline.com/