独家丨Taco做区子琳师弟为新歌齐爆初恋 《造星V》首位囝囝签唱片公司

在《全民造星V》玩rap玩到过五关斩六将，决赛埋单拎第7的 Taco（黄泓祖），近日为区子琳（Paula）的新歌《甩身》featuring。《头条日报》收到绝密消息，Taco已签约Sony唱片，变身Paula师弟。对于成为首位签约唱片公司的《造星V》囝囝，访问当日有造型师帮手的Taco 未有否认，“我唔抗拒签唱片公司，后生想试多啲唔同方法做音乐。”采访：杜杜　形象:Goran Tse(Taco) 发型:Haffman Cheng(Paula)、Aki Choi@the attic(Taco) 化妆:onetung ma(Paula)、Queenie Chan(Taco) 服装: bbc icecream、oasisvintagehk, adidashk场地:Haven Partyroom

Paula和Taco初合作，已有倾不完的音乐话题。

Paula原本已完成《甩身》的录音，自己唱埋rap部份，但看到 Taco《造星V》演出，令她有新想法，“睇到佢第1次出场嘅表演真系好surprise，都有听过香港其他rapper唱歌，但佢嘅表现真系好吸引，好有压台感，再者首歌已经写好咗，rap嘅部份一路都挣扎紧要唔要自己rap埋，畀大家睇到我另一面，定系揾人feat会令件事提升，一见到佢就决定到。”

Paula计划下首歌会亲自rap。

本身都是《造星V》粉丝的Paula，点会唔记得Taco的招牌动作。

20岁Taco已拍过4次拖
Taco在《造星V》决赛后收到经理人通知即刻答应，“反正《造星V》完咗都冇嘢做。”他听到歌后太有feel，用1晚时间就写完Rap词，较写自己歌更快，“自己歌要揾题材，Paula首歌已经完成晒佢嘅部份，我清晰知道个故事，只系加啲调味料落去。”对于初次见面Taco已经有货交，Paula大表惊讶，“冇同佢讲想首歌系点，佢从曲风同旋律做咗自己版本，9成接近我嘅谂法，效果真系好好。”

Paula称Taco拍《甩身》MV时，戴毛毛帽太焗要喷水降温，搞到唔舒服。

Taco 在MV中饰演帮人做假护照的小混混。

Paula在MV中的暗黑造型，相当性感。

Taco亦享受为非Hip Hop类型歌曲rap，未来亦会制作更多不类型歌曲。

向来爱以自身经历作为歌曲题材的Paula，《甩身》以她18岁刚入大学的初恋为背景，“其实初恋一定好多嘢唔识，好多拗撬，好多想讲又唔敢讲嘅事，《甩身》想讲两个人遇到好多挫折，唔开心闹交，其实洒脱分开，对自己、对方都好，未必系大家有唔啱，纯粹唔识表达，或者系唔夹。”20岁的Taco听着Paula讲爱情，搞笑地不断点头，因他早在15岁时已经历初恋，前度是“姐姐”，所以写词更得心应手，“第1次一定有呢啲情况，大家为攞安全感冇晒me time，个世界净系得佢，当对方唔得闲，你会囉囉挛，又会嬲、发佢脾气，经历过初恋会学识需要me time。”有4次拍拖经验的他，现在跟大4年的女友相处，更加如鱼得水。

忙完《造星V》，Taco即跟女友到布吉度假。

Paula赞Taco唱歌好Chill
对于成为《造星V》囝囝中，第一个拥有featuring派台歌，Taco直言没太大感觉，“自己目标系音乐，呢件事只系迟同早，但学到嘢，譬如Paula带我上《Chill Club》玩，玩完1次攞咗啲经验，知道有好多唔同形式嘅舞台，《Chill Club》𠮶种你唔系令观众high，系令佢哋听歌听得开心，电视观众又要听得开心，系新挑战，到有机会出歌唔需要再咁惊咁徬徨。”对首次接触派台工作，他竟然话：“原来出歌咁麻烦㗎！好多嘢要做，我之前同朋友做完首歌，朝早8、9点就出，都系跟心情去做。”

早前Paula带Taco到《Chill Club》唱《甩身》，令Taco大开眼界。

Paula和Taco这次合作相当愉快，访问当日有讲有笑相处融洽，希望再有合作机会，提议两人对调唱和rap身份，Paula兴奋提出：“我都想听佢唱呀！”Taco好谦虚：“我唱歌好屎！”Paula即畀鼓励，“Taco把声好有魅力，用颜色形容就好似橙色，活泼啲，少少沙哑，佢呢把声线好吸引，唱歌系一种Chill嘅感觉。”听完赞赏Taco个心定啲，更称有揾《造星V》兄弟学唱歌，“唱歌嘅人好多好叻，唔代表教得好叻，Carson（李嘉俊）本身做老师，同埋我哋系搭的士返屋企嘅朋友，九展一黑咗你就冇车出去，哈哈！”

Taco揾咗《造星V》 Carson（中）教佢唱歌。

今年有机出个人派台歌
本报收到绝密消息，Paula和Taco未来有更多合作机会，因后者已秘密签约Sony成为Paula师弟，Taco未有否认，“老实讲，唔抗拒签唱片公司，因为我仲后生，呢段时间想试多啲唔同方法去做音乐，呢4年我系咁样，唔代表后面4年都系咁样。”他更透露有望今年内推出首支个人派台歌，“我有好多demo，𠵱家学紧攞个平衡，我想要嘅嘢同时又系观众想接受嘅嘢。”他又解释点解唔比赛完就即刻出歌，“人生第1首派台歌，点都会有啲吹毛求疵，我唔想急，可能完咗之后即刻出会好啲，但系我觉得好嘅歌，几时出都会好听。”

Taco都有谂过开fans meeting，但认为做多啲歌到时开show更好。

《星岛头条》新网站有更多精彩内容：http://www.stheadline.com/