独家丨53岁乔宝宝带戏中囝囝睇林宝坚尼被当大地主 笑到癫:边有钱呀买条毛咩

53岁乔宝宝最近在社交网上传昔日跟刘德华、张学友、张继聪及陈慧琳等人的合照惹关注，网民大赞年轻瘦版的乔宝宝轮廓分明好靓仔，系“印度黄凯芹”，但𠵱家发咗福带点沧桑味。做咗爷爷的乔宝宝笑说：“想当年睇住刘德华、郭富城、张学友出身，点知𠵱家个样仲老过佢哋！”采访：方骞平

乔宝宝返港期间不停接job，赚到6位数字。

乔宝宝夫妇跟张学友的旧照，两公婆当年好瘦。

入行18年，以无线真人骚《残酷一叮》出道的乔宝宝，近年移民苏格兰凑孙过半退休生活，不过揾钱唔嫌多，经常回港参与商演活动，最近再返港拍内地剧集、广告及做周年晚宴，赚到6位数字。期间他还不忘做善事，参与慈航会举办嘅《夏日剪影》活动，带欢乐畀弱势社群的小朋友。

宝宝参与慈航会《夏日剪影》活动。

承认日久失修走晒样

乔宝宝被指是大地主，曾带囝囝睇天价的林宝坚尼，宝宝笑到收唔到声：“买条毛咩，边有钱买辣跑呀？有钱都唔使坐经济舱飞嚟飞去揾食啦，我买贴纸畀佢就得，只不过带电影《我的印度男友》戏中个仔成家宏见识吓啫。”

宝宝带戏中儿子成家宏睇林宝坚尼。

提到年轻时拥有一双电眼，跟“情歌王子”黄凯芹撞样，宝宝承认“日久失修”：“瘦系靓仔啲嘅，肥咗系会走样，瘦面个样都会后生啲啦，唔系点解有咁多人Keep fit呀！𠵱家老嘞，冇晒Keep fit嘅冲劲。”他最欣赏食咗“防腐剂”嘅型男刘德华、郭富城、张学友同吕良伟：“想当年睇住佢哋大，点知𠵱家个样仲老过佢哋！拍广告时我仲俾人追问‘预产期’？”

乔宝宝凑孙时流露住满足的笑容。

网民话宝宝后生时同黄凯芹好似样

乔宝宝赞刘德华食咗“防腐剂”，外貌十年如一日。

同KELLY合照

年轻时宝宝拥有一双电眼，被指颜值更胜张继聪。

《星岛头条》新网站有更多精彩内容：http://www.stheadline.com/