独家丨George唔排除同姐姐拍拖：大10年都得 激赞“好家姐”Yanny助入戏

George（欧镇灏）@P1X3L和Yanny（陈颖欣）在ViuTV新剧《那年盛夏我们绽放如花》首度合作演姐弟，两人开心过足姐弟瘾。George好识做，称多得“好家姐”细心帮手入戏，而一直觉得自己好废的George，唔信获男一机会而反问经理人“导演系咪cast错人”。采访：杜杜 摄影：罗安强 发型:Calvin Tsoi @HaiR(Yanny) 化妆:King Yip @Kingsmakeup(Yanny) 服装:Claudie Pierlot(Yanny)、Sandro Paris(George)

George和Yanny都觉得两人白净又眼大，做姐弟都算似样。

Yanny话George平时唔多出声，睇得出他有压力。

恨有靓家姐嗲的George，遇到Yanny满足晒。

剧中George饰演的“何晞贤”怕事又冇自信，知道导演陈健朗拣他全因自己废亦相当认同，更笑言：“系呀！废呀！”最离奇得知被选中竟然唔开心，还质疑导演搞错，“第2次试镜，我觉得自己做得好差，都未必中㗎啦，点知一嚟就话你做呢个角色啦，跟住我问可唔可以问吓导演有冇搞清楚，有冇cast错人，我真系咁样同经理人讲，后尾问返导演佢都话系试镜好差嘅，又唔系唔开心，但纯粹系紧张。”

“何晞贤”细胆又冇自信，跟George性格最相似。

“何晞媛”是网台记者，做事颇求其。

“家姐”出手助“细佬”

Yanny和George合演姐弟过程愉快，Yanny赞24岁“细佬”朝早要兴奋拍综艺，下午沉重演戏一样应付到，“我都好佩服，作为演员都好想投入角色，但咁样分心，个人嘅弹性要好高，咁嘅年纪可以做到咁真系唔简单，都真系好叻，畀啲掌声自己。”George就开心遇到梦想中的“家姐”，“佢好有气质好靓，做戏好好，我系阿哥嚟，好渴望有家姐，佢系我想像中嘅家姐。”

George俾“家姐”当面赞，怕丑得嚟又好冧。

Yanny和George饰演感情要好的姐弟“何晞媛”和“何晞贤”。

George激赞“家姐”戏里戏外都很照顾他，更跟他分享拍情绪戏入戏秘诀，“佢讲得好detail，Yanny小技巧，Yeah！我有。”Yanny称当时睇到“细佬”超紧张，就决定出手，“我都经历过，知道自己惊乜位，就话畀佢知唔使惊，分享咗一啲小秘诀，我话我净系话畀佢听㗎啫，好少同人讲，但系佢系我细佬，我一定要帮佢。”George就坦认冧姐姐，唔排除同姐姐拍拖，“几多岁真系冇乜所谓，大10年都得。”

George搞唔掂情绪戏，好在有Yanny出手相助。

33岁的Yanny，近年开始做家姐角色。

George对姐姐好有Feel，唔排除同姐姐拍拖。

《星岛头条》新网站有更多精彩内容：http://www.stheadline.com/