独家丨陈慧敏同旧爱常联络：倾吓偈啫 跟逾200位小朋友合演音乐剧

陈慧敏（慧敏哥）本月会跟超过200位小朋友为儿童音乐剧《品格英雄》演出，首次参与大型舞台剧，还要跟小朋友合作，绝对是大挑战。去年12月，慧敏哥跟异地恋男友P先生分手，再于今年2月由澳门搬来香港定居，入行13年的她希望音乐事业能重新出发，感情事放埋一边。采访：杜杜 摄影：Stanley

慧敏哥对爱情抱着随缘心态，工作才是首位。

慧敏哥曾在澳门演了多套舞台剧，但在香港是第一次，更首次跟超过200位小朋友合作，“系全港最大型嘅儿童音乐剧，虽然分咗A、B cast，但有啲场口都会跟100位小朋友同场，由客串嘅BB仔，到几岁至10几岁都有，需要好多时间磨合先顺利完成，对我嚟讲绝对系越级挑战。”

慧敏哥自夸跟小朋友相处有一手，果然跟小拍档相处融洽。

音乐剧本月23日正式公演，近日慧敏哥忙于彩排。

开心听小朋友唱自己歌

由于大部份小朋友都经过训练，慧敏哥跟他们彩排后已好放心，更大赞他们有专业水准，反而她担心自己应付不来，“我个角色最难系识魔术，我好细个学过，因为太难放弃咗，今次我系好劲嘅魔法师，又系创造元宇宙嘅master，教授同‘品格英雄’嘅队长，有几个角色要演，未试过一个剧目做咁多嘢。”不过她最开心可以唱返自己歌，“有好多原创歌曲外，感谢团队拣咗我3首歌去串连故事，最开心听到小朋友一齐唱，用佢哋啲声唱真系好cute！”

慧敏哥跟老板之一的梁梓禧出席《品格英雄》记者会。

慧敏哥坦承以往港澳两边走，对事业发展有一定影响。

疫情令慧敏哥由澳门搬来香港定居，不再两边走，希望未来专心在港发展歌唱事业，最近刚推出今年第2首歌《Why So Serious》。去年12月，慧敏哥跟2019年在土耳其认识的危地马拉籍男友P先生分手，但仍不时联络，“今日收到佢message恭喜我出咗新歌，做返朋友得闲会倾吓偈，感激佢畀咗个美丽回忆我。”重新出发的她会以事业为重，“我连旅行都唔谂，专心做好工作先，但有爱情我唔抗拒，顺其自然啦！”

慧敏哥来港定居后，最挂念在澳门的亲人。

新歌《Why So Serious》MV中，慧敏哥换上多个有趣造型。

慧敏哥2019年单拖去土耳其旅行时，认识危地马拉籍男友P先生。

《星岛头条》新网站有更多精彩内容：http://www.stheadline.com/