独家丨陈湛文惊讶两岁囡囡识用遥控 同丽英靠动漫培养“父女”感情

40岁陈湛文（Peter）和25岁丽英在新戏《全世界都有电话》首次合作，演一对关系极差的父女，更有火爆闹交戏。虽然戏内火药味浓，但戏外两人靠动漫好啱倾。丽英笑言现在是她的反叛期，跟父母有好多拗撬，而已为人父的Peter以戏中跟囡囡的关系作为借镜，希望未来父女关系冇咁差。采访：杜杜 摄影：朱伟彦 化妆及发型:Hulda Tsai(丽英) 化妆:Lisa C. Makeup Art(Peter) 服饰:CLUB MONACO、eye’s Buddy、New Balance (Peter)、 HBX Hong Kong

Peter和丽英被指有父女相，两人都认同眼细细最似。

访问期间Peter不断谂将来跟囡囡的关系，直言越谂越惊。

平日形象串嘴的丽英，声称现实是个乖乖女。

丽英以为“爹哋”内歛又严肃，识落才知Peter为人好搞笑，“最加分系佢会同我倾动漫，仲会听日文歌。”Peter是动漫迷，疫情时上网狂睇片才认识丽英，“丽英翻唱动漫主题曲，仲唱到个动漫魂，所以我哋第一次见面，倾开有咩会吸引我去睇𠮶套动漫，就系主题曲。”四十出头的Peter完全唔介意戏中有咁大个女，“不知几开心，终于唔使再演啲废宅毒颓，仲系事业有成，为个女去打拼，同埋我拍之前个ig真系俾啲钓鱼程式hack咗，所以唔使点做功课，可以如实呈现个感觉。”

Peter同丽英这场父女闹交戏，令他反思很多。

这场戏丽英除了要闹Peter，仲不断掉嘢，更差点误伤对方。

丽英细个唔敢驳咀

两人在戏中关系极差，一碰面就嗌交，丽英就话读书时不敢顶撞父母，“我𠮶时反而唔反叛，最多系呃妈咪话去温书其实去玩，父母话咩都唔敢驳咀，好惊俾人闹，𠵱家我仲反叛啲，佢哋有啲谂法唔啱，我会同佢哋拗！”而有个两岁囡囡Nina的Peter，坦认角色令他反思很多，“系个好好嘅借镜，畀我预早演习，套戏经历咗，现实唔好再经历嘞，哈哈！”Peter认为现在的小朋友成长得太快，好怕自己跟不上，“做咗父母先发觉，有时真系会后知后觉，好似阿女唔知几时学识，会攞个摇控畀我，再指住个电视不停话‘睇’，我同太太都冇教过佢，所以希望跟到佢嘅步伐，跟唔上嘅希望佢有耐性同我讲返，你已经快到咁样。”

Peter读演艺时已梦想跟师姐韦罗莎合作，所以今次演出令他相当享受。

Peter估不到两岁囡囡，比他想像中大得更快。

《星岛头条》新网站有更多精彩内容：http://www.stheadline.com/