独家丨嘉盈Po晒胸相纯自娱狂推性感Job 网红踩入电视圈惹负评吓亲

网台“熊仔头”成员嘉盈（王嘉盈），去年开始在ViuTV节目老是常出现，她讲到明跳入主流媒体为偷师，曾因大胆言论惹来负评，现已学识小心讲嘢。因为经常上载性感相大晒33E好身材，嘉盈曾获邀请演绎性感角色机会，但当事人推晒，以为嫌钱腥原来因为控制权，25岁相当识谂。采访：杜杜

嘉盈虽然言行大胆，但拣对象好小心，仲讲明唔会收兵。

嘉盈称拍电视为偷师，很多技巧对拍网台节目有帮助。

想偷师的嘉盈对电视圈相当好奇，“譬如制作上嘅效率，点解转机位可以咁快，点样统筹综艺节目，我都会反思网媒做唔做到？同埋我希望用网络身份拍主流媒体嘅嘢，令到只睇电视嘅观众，会发现网络嘅人可以咁样玩！从而留意返网络嘅嘢。”对于连电影都捞埋，她称是用谦卑态度客串，“我觉得自己仲系观众，只系好奇去睇吓， 唔觉得自己涉猎在内。”

嘉盈出身网台“熊仔头”，形象言行都夸张大胆。

嘉盈早前同许贤拍档，为ViuTV主持真人骚《瘾营人》。

为喜剧唔介意扮AV女优

嘉盈去年首次参与《姊妹们的国际巿场》节目即出事，因为真性情引来大量负评，她坦言吓亲，“访问时导演问我‘如果啲男仔净系钟意你大胸咁点呢？’我就答‘如果佢话唔钟意我身材先至觉得佢假’，我一向对于大胸或身材嘅问题，都系幽默咗佢，太谦虚答会好假，但有人将呢句嘢cap图，净睇字幕会觉得寸，跟住有人整咗好多农场文，我俾人闹到黐线。”当下她才发现做网台同电视有好大分别，“订阅我频道，就系钟意睇我嘅风格，但电视唔系嘛！扭开就睇到我，我忘记咗呢样嘢，𠵱家做节目讲嘢会攞个平衡，修饰少少字眼，但立场唔会变。”

嘉盈在《姊妹们》有好多金句，有心人Cap咗图，令她被洗版式狂闹。

嘉盈在《极度俏郎君》演AV女优，仲同193有咀嘴戏。

对于经常在社交平台晒性感相，嘉盈解释只是觉得靓，并非想走性感路线，“我拣过晒先post，当然我预咗会有咁嘅反应，等如我着得性感出街一定有人𥄫。”由于控制权不在自己，所以已推了多个性感演出机会，“我唔知人哋会点整我。”讲到肯在《极度俏郎君》演AV女优，全因剧种。“喜剧加上又系配角，喜剧系建于荒谬，会好夸张容易啲拿捏，本身对喜剧好有兴趣，好想去偷吓师。”

拥33E好身材的嘉盈，唔介意同网民分享性感相。

嘉盈早前首度推出，图文并茂散文集《KAYING’s Wordings》。

《星岛头条》新网站有更多精彩内容：http://www.stheadline.com/