55岁江荣晖名校出身背弃家人期望 演员身份至今未获认同：觉得我未够班
55岁江荣晖入行36年，曾参与过经典剧集《盖世豪侠》、《卡拉屋企》、《巨人》、《爱·回家之开心速递》、《黯夜守护者》、《美丽战场》以及《飞虎3壮志英雄》等作品，虽然角色未必是主角人物，但有不少令观众留下深刻印象，可惜始终未能令他的事业更上一层楼。最近江荣晖接受演艺人协会的访问，他坦言家人至今都未有认同演员身分：“觉得我未够资格成为一个出名嘅艺人！”
【相关阅读】：美丽战场｜蒋家旻演技爆发！父心脏病发阻抢救 眼神凶狠亲睹杜燕歌失救致死
【点击睇江荣晖背景】：
江荣晖小时候曾就读喇沙小学及喇沙书院，本来父母一心希望儿子成为一位律师，安排他去英国寄宿学校读书，殊不知一次暑假返港，竟改变了江荣晖的命运！原来他瞒住家人报名参加《超级新星比赛》的招募，虽然未能入围，但无线问他有没有兴趣读训练班：“呢期训练班系好特别，系冇对外招生，只系安排畀参加《超级新星比赛》嘅𠮶班人参加，仲有啲内部嘅人，好似有崔嘉宝、梅小惠、韩毓霞、李中宁同郭富城。”江荣晖在毕业前已后已经被安排在《城市故事》饰演吴孟达儿子，当时获传媒赞赏：“𠮶阵谂住公司会睇到，点知原来系冇，咁我唯有继续努力。”幸好当时工作量不俗，与林敏骢和杜德伟在《点解咁好笑》拍趣剧。
不过多年来发展不大，江荣晖在1997年离开无线，转攻马来西亚发展：“𠮶阵走嘅时候，公司想我拍完《鹿鼎记》先离开，但系我拒绝咗，因为我应承咗人哋去马来西亚拍剧，𠮶阵去到系做主角，但系我唔会觉得自己好劲，因为我都唔系喺TVB主角，所以根本唔系主角，唔可以自己呃自己。”他又称离开还有另一个原因：“𠮶阵我有段姻缘，谂住揾多啲钱，睇吓有冇机会结婚组织家庭，咁啱1997年金融风暴，冇乜人开戏，周围搲嘢做，不过真系好难，因为啲人话我唔红。”
江荣晖有一段时间与朋友合资做贴纸机生意，间中会去马来西亚拍剧：“跟住有个机会见到珍姐（曾励珍），佢问我想唔想返嚟，点知佢哋用番1997年𠮶份合约嘅人工同我倾，𠮶份人工9年前㖞，真系啃唔落，觉得即系欺压我啫！”当时不少旧同事都力劝他先跟无线签合约，最后江荣晖续说：“系，真系追得番（薪金），追得好快添！就咁返番无线！”
成绩欠佳对老师深感歉意
重返娘家后，江荣晖遇上昔日训练班老师，他对老师深感歉意：“对唔住，老师，我辜负咗你，我哋成班同学，全部都做晒主角，除咗我做唔到，我谂我呢一生好似智叔，应该行佢条路，可以全面啲！”有一段时间指他转行做夜间清洁，江荣晖表示要澄清，“其实我喺山顶做咗一晚，原因系因为当时我拍处境剧《谁家灶头无烟火》，庆功宴摆咗好多围，监制话我做得好，仲话下套处境剧预埋我，当时我好开心，但系最终冇我份，系好唔开心，咁啱𠮶晚有朋友打畀我，我朋友做清洁，𠮶晚佢喺山顶开工，咁我当时好唔开心，好闷，我话跟佢做清洁，一心只系想散心，咪跟佢喺山顶做咗一晚清洁，我冇放弃过做艺人呢个职业。”
江荣晖多年来很努力做好每一个角色，主要原因是因为家人，他说：“屋企人冇认同过我，有时我好妒忌一啲演员，佢哋会带父母去电视城参观，佢哋啲父母好开心，但我屋企人唔系，佢哋觉得我未够班，未有资格成为一个出名嘅艺人，所以佢哋冇认同过我，我试过叫屋企人去电视城睇我拍戏，佢哋摇晒头，好坦白话我未够红，到今时今日都系一样，我妈话我做戏差，所以我要继续努力去做我呢份职业，我冇放弃过！”
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
