初选案︱何桂蓝被法官质疑法庭非政治演说埸合

“35+”初选案续审，被告何桂蓝今午于西九龙法院反驳《香港国安法》指定法官陈庆伟指初选并非浪费金钱时间时，直言“绝多数香港人心底里知道中共治下争取民主从来都系一场妄想⋯⋯”被法官李运腾打断并指这非政治演说的场合。何桂蓝不忿指“你问完问题又唔畀我答我觉得好唔公平”，陈官反驳其答案与案无关，何桂蓝直指“其实你哋对立法会理解咁少，你点分咩系relevant（相关）咩系唔relevant？”又指“你呢个判断系好有瑕疵嘅”。陈官严词反驳其错误只应由上诉庭纠正。

大律师Trevor Beel引述何桂蓝6月26日发布的一条片段内指“民主派如果可以喺呢一个立法会选举达成一个不可能嘅任务，攞到35席，攞到立法会过半嘅主导权，我哋就可以逼出一个北京冇可能接受到嘅局面，从而令到佢用更加疯狂嘅方式去应对，要付出更加高昂嘅政治代价”。何桂蓝解释当时主流认为“唉横掂全部都系会DQ㗎喇，噉重投来做咩呢咁⋯⋯”，自己便拍片回应指即使不可能达致35席，对方一定会以DQ 等方式阻止也好，但仍然认为要继续举行选举。

何桂蓝指出“点解话个选举仍然要打落去，就系我哋明知系冇可能真系喺个选举度攞35席，明知国安法会有所行动，我哋都要揾一个方法去展示当时香港人嘅政治意志，去证实香港人系有呢一个我形容系实力去攞到𠮶个席数嘅”，惟强调“香港人嘅任何行动，其实最终都只系可以逼个政权做一个选择，佢不得不回应，佢不得不喺镇压同妥协之间做选择，但系从来都冇人逼佢镇压嘅”。

何桂蓝续指如港人知道民主派不可能过半，然后“佢哋决定算喇噉我唔投票喇，噉北京嘅目的就达到喇。如果民主派嘅选民连票都唔出来投，其实北京根本就唔需要处理任何嘢。但系无论初选又好，正式选举又好，如果香港人仍然去投票，畀香港、北京甚至全世界就会见到香港人本身系有攞到35席呢个实力同埋意志噉无论北京系用DQ去应对，定系选咗立法会之后定点样，佢都要面对一个好大嘅合法性危机，因为全世界都会见到，呢个根本唔系香港人嘅意愿，北京系透过操纵选举来掩盖咗香港人嘅真正意愿”。

《香港国安法》指定法官陈庆伟再次问到何桂蓝有否向戴耀廷提及初选浪费金钱时间？何桂蓝回应指社运绝少能达成原初诉求，惟过程中仍能“建立一啲嘢，打开咗新嘅空间”，故非常不同意陈官结论，激动直言“绝多数香港人心底里知道中共治下争取民主从来都系一场妄想⋯⋯”法官李运腾打断何桂蓝，吁其冷静并指这非政治演说的场合，何桂蓝反驳指“你问完问题又唔畀我答我觉得好唔公平，即系法官就可以定义呢场嘢，然后put to me ，但系我又唔畀答”。陈官反驳指何桂蓝答案与案无关，何桂蓝直指“其实你哋对立法会理解咁少，你点分咩系relevant（相关）咩系唔relevant？”陈官反驳“我已任职法官25 年，或许不知道很多事情，但我知道什么是相关，什么是不相关”。何桂蓝再直指“但系你唔唔知咩叫分组点票⋯⋯我就系要指出你呢个判断系好有瑕疵嘅”。陈官严词反驳其错误并非由何桂蓝纠正，而是由上诉庭纠正。

法庭记者：陈子豪

---