独家丨“翻版林明祯”出写真攻港抢食 32C Miko想揾港男拍拖:最好系叔叔

“大马女神”林明祯喺香港劲受欢迎，电影、广告、Event劲多job，一早已老实自爆够钱在香港买楼，不过女神话想买独立屋，所以储多少少钱先。同样来自大马，被封“翻版林明祯”的29岁索女Miko Wong（黄洁琪）亦步乡里后尘来港揾食，就算执吓林明祯接唔晒嘅Job，应该都唔使挨穷。Miko趁书展攻港，第一炮就系推出第2本个人写真集《Miko・琪幻日记》，有水著、有黑丝女教师等30款造型，仲因为喺台湾浸住温泉影相搞到Nude Bra移位走晒光，因为单身冇有怕，仲想揾港男拍拖𠻹。采访：方骞平

Miko在写真集中大晒32C结实又浑圆的美胸。

Miko的写真集《Miko・琪幻日记》有154页，内大大量造型照，售价$218。。

劲受港人欢迎嘅“大马女神”林明祯𠵱家好锡身。

Miko表示出书系记录自己由女孩成长为轻熟女生嘅过程，分别于港、台及大马三地取景拍摄，当中以台湾浸温泉最难忘：“因为浸得太耐搞到Nude Bra移位，单薄上衣透视到走晒光，搞到睇相时相当尴尬。”Miko的偶像唔系林明祯，系已上“神枱”的周秀娜，她大赞娜姐好有女人味。“其实唔一定着得少布就系性感，正如娜姐流露住一种气质，早期狂野蜕变到𠵱家充满女人味，一样咁诱人。”

周秀娜14年前推出处女写真集。

有30多个造型。

睡姿诱人。

最难忘台湾浸住温泉影相搞到Nude Bra移位走晒光。

收包养DM得啖笑

Miko讲到明想来港掘金，以林明桢为目标齐齐赚大钱，继而在香港置业：“我喺大马都见过明祯，佢好Cute呀，希望可以好好向佢偷吓师。”问到Miko点解咁有信心来港争食？她称因为经常做gym keep fit，对身材感到满意：“最满意42吋长腿，觉得比例上算系好睇。”另外，她又沾沾自喜透过社交网，收过唔少要求包养嘅DM，唔介意同大家分享：“如果我话冇(要求包养她)都冇人信啦，讯息中叫我唔好做，会畀钱我使，但证明自己唔太差，都有市场㖞！”Miko大赞香港男fans好热情，唔抗拒同港男拍拖：“我𠵱家单身，钟意成熟稳重型，最好系叔叔(系咪首选要有物业?)唔介意一齐供楼。”不过目前以工作为重，她又顺势出口术搲捞：“由细睇港剧及电影大，好乐意拍戏向每位前辈学习，希望可以喺香港多啲发展机会啦。”

“影后”Miko隐约见到蜜桃美臀。

Miko拥有32C、24、33完美身材及甜美笑容。。

出书系记录自己由女孩成长为轻熟女生嘅过程。

身体部位中，Miko最爱拥有一双42吋长腿。

劲受港人欢迎嘅“大马女神”林明祯有曲线身形。

Miko做J2节目《DM旅导游》第3集嘉宾，大赞主持人倪嘉雯（Carmen）和叶靖仪（Michelle）有胆色。

5年前，Miko推出处女写真集《MIKO纯。洁琪》。

2019年首为ViuTV《走佬去马拉》任嘉宾主持，跟杜汶泽合作。

和“人夫”袁伟豪在公开活动中聚头，Miko坦言爱港男，尤其系叔叔。