初选案｜何桂蓝在协调会发言“立法会变成一个抗争阵地 希望把立会用作中港关系破局” 

民主派47人参与“35+”初选，涉嫌计画立法会过半无差别否决《预算案》被控，16人否认串谋颠覆国家政权罪。被告何桂蓝今午于西九龙法院表明早年“已经觉得《财政预算案》要否决”，解释每年财案内1,000亿基本工程储备基金均不准审议，政府綑绑上万个工程逼使立法会通过，当中包括不受欢迎项目，“我会形容呢个系公共财政黑洞”。何桂蓝扬言如问题持续“有五大诉求嘅话我都会照投反对票”。 

何桂蓝忆述新界东首次协调会议中有地区组织与会，共20至30人到场，约长2小时，会上各人轮流自我介绍，再就公民投票或民调表态，终在何桂蓝刘颕匡立场强硬下决定采用公民投票，并采纳灵童制，但会上众人发言不多“一句起两句止”，自己亦不记得戴耀廷会上发言内容。何桂蓝另指当时得悉提名表格会连同一张新界东协调共识，只有参选人有份签署，亦代表其必然会公开，故自己满意做法。何桂蓝续指翌日亦有人向传媒透露会上消息，而第二次会议才讨论否决财政预算案，以及6或6+1的目标议席。何桂蓝指被捕前从未见过“35+计画”文件，没有印象协调会议上曾经传阅，会后也没有收过文件纪录或协议，另交代自己和戴耀廷单独交流只有二人互相加为facebook 朋友。 

Trevor Beel引述赵家贤供词指何桂蓝曾在协调会议发言指“立法会变咗一个抗争阵地，而佢希望将立法会用作中港关系破局”、“将整个制度推到尽，将本身中国同香港嘅一国两制整个政治制度个运作整个去打破”，又指“听到本土抗争派会上好进取地甚至对于中央政府一啲嘅讯息好漠视”，何桂蓝一概否认，反驳指自己6月才开始提出“破局”，未曾说过“推到尽”，只会说“建制内的临界点”，而且出自facebook 6月内容。 

何桂蓝直言早于2011年任职记者跟进立法会新闻时“已经觉得《财政预算案》要否决㗎喇”，解释“问题唔喺条实数度，系财政预算案点样draft出来、点样计出来，年年都系差唔多嘅，譬如我而家就可以讲⋯⋯因为喺立法会入面呢，就算你攞到70席，你都唔可以帮公共医疗系统加一个镚。每年财政预算案大概5,000至6,000亿，我而家就可以话畀你听，下一年又会有1,000亿喺基本工程储备基金入面。《财政预算案》系一个有连续性嘅文件，唔通你话畀我听，下年警务处唔会有拨款咩”。 

何桂蓝续指“因为当我发现连建制派要求派钱，但系曾俊华坚持要投落MPF嘅时候，明明建制派攞住大多数，佢哋当年除咗否决临时拨款议案同施压之外，乜都做唔到。我相信法庭而家都好理解，立法会议员只可以攞一个总目入面嘅细项入面去减钱，唔可以加钱唔可以加items，亦都唔可以改变𠮶年财政开支嘅方向”。何桂蓝指直到2017年报导横洲事件才知道，财案内有一项基本工程储备基金，占《预算案》6份之1比重，“但系喺审议财政预算案嘅时候，系唔准审议呢嚿嘢，呢嚿嘢入面政府每年有少于2,000至3,000万嘅工程⋯⋯成万个工程bundle（綑绑）埋一齐，而政府就系会将一啲唔受欢迎嘅工程，化整为零，拆成啲咩前期工程呀、渠务工程呀噉样分项，全部摆晒入基本工程储备基金，然后用其他9,000几项冇争议嘅工程，逼立法会一定要通过佢。我会形容呢个系公共财政黑洞。” 

何桂蓝明言“无论有35+定系冇35+，如果我系议员，只要我见到财政预算案入面有啲我冇办法去审核嘅东西，我认为我投反对票，先至系履行紧我作为议员嘅宪制责任”，更补充指“就算五大诉求落实，如果我头先所讲嘅呢啲黑洞问题，政府透过程序去回避议员监察嘅问题，仍然存在嘅话，有五大诉求嘅话我都会照投反对票”。 

《香港国安法》指定法官陈庆伟问如2020年政府提出《预算案》时依样葫芦，何桂蓝是否会否决？何桂蓝激动指“2020年正正就系陈茂波开始动用未来基金嘅一年⋯⋯呢3000亿政府本身2016年成立未来基金嘅时候，讲明10年唔可以郁，同埋如果郁要经立法会批准，但系2020年开始，陈茂波就不断喺入面攞钱绕过立法会，一开始系注资国泰，然后话搞北部都会区，而家话搞香港淡马锡。我必须要指出，𠮶度每一分都系纳税人嘅钱，但系纳税人喺呢个制度之下，系完全阻止唔到佢哋嘅行为”。法官李运腾问到何桂蓝出于财案的某些项目或方式而反对，而非出于“35+”？何桂蓝明言“唔系一啲项目或者一啲规矩，系成个公共财政审核制度”。 

法庭记者：陈子豪 

---