黄宗泽坚拒借出“老婆”宁牺牲自己被任摸 对婚姻零憧憬：可以冇下一代
黄宗泽自从与胡杏儿分手后，名草一直未有主，近日黄宗泽现身虾头及连诗雅的网上节目《丝打围佬》的访问，他被虾头取笑虽然他未有老婆，但反而有很多“车嘅老婆”，爱车如命的黄宗泽向来钟情古董车，他更直言：“我啲车其他人系唔揸得，揸我就绝对得！”
【相关阅读】：黄宗泽花过百万重新装修餐厅再开张 揸古董跑车到场任由粉丝打卡
【点击睇黄宗泽靓车】：
黄宗泽有“黄三岁”之称，皆因他的性格有如大细路，不单爱看卡通片叮当，而且又爱玩玩具：“我细个最自己喺屋企玩车，我一出世父母已经离咗婚，细个阿爸每个星期六或日就带我出去食饭，经过玩具舖仲唔报仇呀？我阿妈系唔会买玩具畀我，我咪要求爸爸买架车或者玩具。”直到长大后，黄宗泽变得爱车如命，不过他不太爱超级跑车，反而特别钟情古董车，看到古董车就会“流晒口水”！
黄宗泽又称自己完全不容许有损伤，如果朋友上古董车，一定会叫他们非常小心，甚至亲身指导坐姿：“我会先佢哋咁样（臂部）坐落去，再抬起脚，慢慢放落嚟，就唔会造成任何损伤！”他自爆收藏了有八架车，其中最贵的汽车价钱高达300万：“有几架系古董车，有啲用嚟开工嘅车，亦都架车揸咗十年唔舍得唔要，我记得第一驾架古董车系MG，大约10万左右，试过喺中环遮打道古董车展示一次，不过呢驾架已经卖走咗。最贵唔系最钟意𠮶架，最贵大约300万啦，但有一架系唔知佢而家升到几多钱，因为不断咁升紧。”
对结婚生仔没有特别憧憬
黄宗泽亦称如果另一半都喜欢车，当然是开心：“因为有共同嘅嗜好，唔会阻止你买车，但系因为保险问题，系可以揸啲古董车，（揸其他车呢？）揸我就绝对得！”不过即使有令自己心动的女孩出再现，首要要得到黄妈妈准许：“首先个性开朗，孝顺，独立，绝对唔可以太黐身，都唔可以太娇！但系佢要接受我嘅排位，因为我朋友不嬲都系排第一！”
黄宗泽又表示对结婚生仔没有特别憧憬：“我可以冇小朋友，冇下一代，我之前朋友介绍买乜鬼年金，我话买乜鬼，临死之前使鬼晒啲钱咪得囉！可能系单亲家庭少少影响，未出世就已经单亲，去到小学先见番我老窦，妈咪去打工，有时去阿姨住、舅母住，又或者去阿婆度住，所以冇家庭嘅感觉，我觉得咁样几开心，我又习惯一个人，阿妈出去打工，放低钱畀我自己喺屋企，乜都自己一个。”如果真的有女友出现，他说：“我会同佢倾，可以一齐生活，但唔一定要小朋友，不过我对爱情嘅渴望好低，有就有冇就冇，冇得夹硬嚟，当然有时夜阑人静都会渴望吓嘅，曾经叫朋友介绍啲女仔嚟，但一系唔啱，一系连佢哋都冇识到新朋友。”
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
