“虾仔”贾思乐与卢海鹏罗兰激罕合体 当年遭爹哋整蛊得林建明帮手报仇
70年代歌手贾思乐除发展歌唱事业外，亦曾经参与TVB《欢乐今宵》的演出，当年他与卢海鹏合演趣剧《虾仔爹哋》产生强大化学作用，卢海鹏经常爆肚，将对手杀个措手不及，再加上一句又一句的押韵对白，实在令观众捧腹大笑！日前贾思乐在社交平台贴上与“爹哋”卢海鹏和“妈咪”罗兰的相片，勾起了不少那些年的回忆！
【相关阅读】：81岁卢海鹏通波仔后养生爱慢跑 约夏雨去南生围精神极好双手揈揈
【点击睇《虾仔爹哋》激罕合体】：
《虾仔爹哋》是《欢乐今宵》中最长寿的短剧，剧集在1983年播出，一播便播了九年，后来被列入健力士世界纪录大全最长寿短剧。2011年，他们合体演出完《虾仔爹哋》舞台版后，甚少再见到他们合体，好拍档难得聚会，大家都笑得相当开心，贾思乐亦忍不住留言：“我最敬爱最尊敬的两位偶像—罗兰和卢海鹏共进午餐。 请大家确实照顾好自己，让我们很快再次遇上！”今年已经68岁的贾思乐，站在“爹哋、妈咪”身边，依然保持住一贯的童颜，不少网民留言称很怀念这对组合，但原来当时贾思乐有份演这套趣剧，是有一段故！
已经视为家人
贾思乐曾在访问上表示：“一个鬼仔又唔识中文字，点样做live show节目呢？但监制又畀我做，结果唔经唔觉就做咗10年，我自己都觉好奇怪。” 他还说当时对着鹏哥，真的有点惊：“鹏哥最钟意搞我，明知我中文唔好，成日爆肚，搞到我唔记得啲稿，我接唔住啲对白佢就开心，见我就嚟浸死，又救番我上嚟，啲观众就最钟意睇呢啲。”贾思乐还称当了卢海鹏和罗兰是亲父母：“合作咗咁耐，真系当咗佢哋系家人，以前喺电视城晚晚都食完饭先开厂，就算而家唔系成日见，但系一见面就会有种特别开心嘅感觉。”
贾思乐又曾经在邓英敏的节目上提到起初不喜欢与鹏哥合作：“我系天秤座，出镜前要将头发梳好，啲衫又要熨得好整齐，我唔呃你，搞个头至少要45分钟，只要好满意就有信心出镜，点知鹏哥最钟意捉到我呢啲位，搞我啲头发，又整皱我件衫，睇番playback，觉得自己好丑样，我好嬲，不过我唔系好识同佢沟通，我惟有忍住，之后剧情加咗我外母林建明‘大白鲨’，睇得出佢（鹏哥）成日恰呢个新人㖞，我外母咪要维持秩序，对付鹏哥，鹏哥又唔敢搞佢吖嘛！所以一有‘大姐明’出现，我就好开心，终于有人帮我报仇雪恨！”
后来贾思乐终于向卢海鹏“表白”清楚：“我同佢讲‘鹏哥，我哋都合作咗咁多年，你唔好再搞我个头，好唔好呀？’跟住佢话‘睇吓到时点喇！’不过久唔久都会玩，但系次数唔多喇，佢知我唔钟意，但又唔会收手。”
【相关阅读】：
22年前《欢乐金宵》趣剧重现 胡枫著西装69岁零老态似30岁 黄泆潼刘晓彤淡出已成人妻
林建明一识卢海鹏就系拍床戏 黐到实被寸爆：乜嘢都冇睇鬼到呀！
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
