独家丨33岁香胤宅爆红大癫吸走Ian Edan粉丝 《造星V》民选冠军曾被老婆嫌弃又矮又嘈
早前《头条日报》独家披露《全民造星V》终极十强名单，由首轮94强凭住超高质演出，被观众封为顶头大热的9号Lyman Heung（香胤宅）当然有份。自《造星V》于5月15日首播以来，33岁的香香（暱称）已极速吸纳大量孩籽（Lyman粉丝暱称），IG Followers 由首播的1,698去到最新的2.1万，逾2千人的TG群组更有唔少Ian及Edan Fans支持，难得香香好老实，早在IG Live已主动公开已婚，还跟《头条日报》首公开跟太太Zoe结婚3年，拍拖12年的搞笑浪漫爱情故事。温提各位“孩籽”，唔想笑到失仪，切勿在街睇片。采访：杜杜 摄影：孔子
曾是美国音乐剧《芝加哥Chicago》巡演成员的香香，舞台经验相当丰富，难怪首轮演出后，讨论区已有不少留言赞他拉高节目水平，香香听毕相当兴奋，“真系好开心人哋欣赏我嘅表演，有个推动力唔好畀佢停，畀返啲支持观众，我会继续努力，你令我开心，我都想令大家开心。”
努力用中文答谢“孩籽”
已有Fans替香香成立国际后援会，又有TG Group“香印提籽”，讲到Fans名称叫“孩籽”及“香印提籽”，曾在IG Live将小腿讲成细腿的他用有限的中文解释，“提籽系提子啲核，开心感觉系要慢慢感受，慢慢种啲开心出嚟，哈哈！”要他用广东话跟粉丝答谢，立即变成慢动作，“香印提籽们，多谢你支持，多谢你好用心推动到我，你哋啲正能量帮到我，继续畀啲好嘅表演你哋睇，唔好忘记支持我其他队友，好期望见到你哋。”讲完即松一口气，除多谢记者Push佢讲广东话更搞笑补充，“如果头先个play back可以揿返1.5（倍）应该就OK。”
靠太太及睇港产片学中文
香香在夏威夷出世，香港长大，但因自小读国际学校，中文水准有限，他笑言最叻就是讲新年贺词，“同长辈就会讲啲中文，新年就要背熟要讲啲咩，身体健康，龙马精神，呢啲系最叻。”香香在港读到初中，15、16岁再到夏威夷升学，之后返港入读演艺学院深造音乐剧，再转到英国肯特大学读戏剧和剧场艺术研究。在纽约生活是接触最多中文的时候，“同太太（Zoe）喺𠮶度生活，佢识多啲中文，又睇多啲港产片。”
香香在IG Live称呼相恋12年的Zoe做Wife，他坦认已婚3年，跟老婆早在中学已认识，再于英国大学重遇。“喺国际学校认识，我哋同年，同级唔同班，佢高我成个头（香香做晒手势肉紧比划身高），我发育比较迟。”香香更自爆跟太太未能于中学时发展，除因高度还因为他太嘈，“佢唔会睬我，我太活泼，大声好嘈，可能因为我喺英国成熟咗少少。”
MIRROR成员只记得8个人
香香不担心人夫身份会令Fans流失，“我希望你钟意我系因为我嘅表演。”至于会否影响在香港演艺圈发展，他亦答得坦白，“系会有少少影响，但我有信心。”香香又坦言期待在港发展亦有好大抱负，“我钟意跳舞、演戏，同埋唱歌，我想用呢三样嘢做到一个水准嘅表演，舞台剧、音乐剧、戏剧、电视都会做，我明白大城巿系好stressful，希望透过我嘅表演大家就可以destress吓自己。”
不过香香坦认对香港娱乐圈唔了解，连《全民造星》头4届都是参赛后才恶补，而且专拣跳舞表演嚟睇，特别是拉丁舞，如《造星I》Tiger及《造星IV》暐翘等，希望知己知彼，“如果人哋做过啲嘢，一定会有比较，自己都会谂吓想睇啲乜嘢，唔想重复。”要他数出师兄MIRROR成员名字，虽然他知有12个人，但只数到跟他面试的AK和Lokman，跟住姜涛、Tiger、Ian、Edan，之后他叹一口气再谂到Alton和Stanley，最后Jer、Jeremy、Frankie及AL始终记唔到，“我死啦咁样，very sorry，如果我入到行要同你哋握过手，因为我未meet过，唔好意思，慢慢再认识啲师兄。”
《星岛头条》新网站有更多精彩内容：http://www.stheadline.com/
《星岛申诉王》100集诞生之我最喜爱影片票选，由6月16日至6月30日，玩游戏赢取总值超过10万丰富礼品！
立刻点击投票👉🏻https://tinyurl.com/38dfzwtv
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
