星8卦丨“甜甜”继承高官身家 嫁司机无委屈几世无忧

自从贪心事件爆咗出嚟之后，“大富”即刻同“甜甜”划清界线。原因系诸九族，“大富”自己都危危乎，“甜甜”自己谂掂以后话之佢啦！

“甜甜”凭一套剧红足几十年，又真系奇蹟，后嚟点样做埋商界女强人，就更加奇上奇。当年佢红咗就跟咗一位高官，有财有势，所以后期成日打横行女霸王咁系有人撑腰，圈中唔少人都受过佢啲气架。

后嚟点解佢会突然结婚，当中梗系有段古。话说𠮶位高官唔知点解得罪高层，仕途无晒不特止，仲要预计系连命都无，于是即刻将成副身家过晒俾跟咗自己20几年嘅司机，其实之前好多唔见得光嘅钱都交俾司机处理，对方胜在忠直敦厚，然后吩咐甜甜同佢结婚，最好生一儿半女，啲钱就可以一代传一代，用心可谓良苦。

所以“甜甜”突然爆出个外籍老公，然后好有钱咁但问起全世界都唔知佢系边位，“甜甜”就泊咗埋大富身边，拎咗一大笔钱做投资，然后就塑造自己成为新一代商界女强人，“大富”见你有名气仲有钱帮自己创业，梗系无任欢迎，但大难临头就梗系一脚伸你落山。“甜甜”依家啲钱都系几世都驶唔完，不过无咗面子龟缩唔见人就凄凉啲。

【相关文章】：

星8卦丨“公子”好赌成性 “痴情”劝睇心理医生继续赌分手收场

星8卦丨“细细粒”为帮“大大只”求财求子迫全家人食斋 搞到阿仔心脏出事仍未知死

星8卦丨“靓声”防疫大阵仗 全方位保护奇招开工免家人中招