独家丨陈法蓉反击李婉华:《一舞倾城》唔系童话故仔 56岁轻皱纹冇胶味自爆从来唔Keep
陈法蓉(Monica)相隔6年再拍港剧《一舞倾城》,由于剧情惹争议引来不少负评,李婉华就在网台狠批剧集不断强调“卖处”,又多色情镜头,非常教坏细路。Monica就作出反击,认为只是反映现实。另外,56岁的Monica被赞keep得好,访问当日记者跟她近距离接触,轮廓自然唔觉有医美痕迹,这位1989年港姐冠军大方认老之余,更自爆自己从来唔Keep,更非常偏食,即天生丽质,大家恨唔到。采访:杜杜 摄影:谭志光 服装:COVEN GARDEN
Monica继2017年《赌城群英会》再拍港剧,最初为了陪86岁爸爸曾推却王晶邀请,“第一次揾我就推咗,𠮶时啱啱返香港过年疫情比较差,唔舍得离开爸爸,想喺香港陪佢咪推咗,过咗几个月,佢哋再揾我话疫情推迟咗未开,问我有冇兴趣睇吓剧本,睇咗5集觉得几过瘾,有搞笑又有姊妹情,好浓厚90年代港风感觉,我都系90年代人,成件事都几系我。”
等观众判断钟唔钟意
Monica一直都有上网睇网民留言,好开心播出后反应好热烈,“话好开心见到我再出现荧光幕,又觉得我做得好,好靓女,呢啲(赞赏)都唔系必然,要感恩,第一,我收人工,哈哈!第二,又多咗咁多人赞我,都系赚返嚟。”当然她亦有留意因为露骨剧情引起的负评,“当然会有唔同意见,每个人都有钟意或者唔钟意嘅嘢,好嘅意见我一定会接收!”
谈到李婉华在网台节目《豪华博客》批评该剧疯狂提及“卖处女初夜”,教坏细路,Monica就认为只是反映现实,而且并非合家欢时段播放,“9点半系家长指引时间,剧集以夜总会为题材,同埋钟少雄导演及晶哥讲畀我哋听系真事,真系有妈妈话唔好嘥咗佢,不如卖咗佢,做戏都系想反映现实啫!蔡洁同我讲有朋友做呢行,好多年冇联络都打畀佢讲‘我哋𠮶阵真系咁样’,剧集唔系童话式故仔,有现实因素。”Monica觉得剧集有追看性,坦言由观众判断喜唔喜欢,冇话啱定唔啱。又称,“好钟意睇网民写咩,有时睇到剧集嘅Po会有2千几人留言。”
憧憬爱情唔急揾对象
56岁的Monica获观众大赞好靓外,连剧中“老公”唐文龙亦不时借朋友把口冧她,“佢好搞笑,成日话啲friend同佢讲,‘开心我可以同你合作,话你好正呀’,我就赞佢啲friend有品味,哈哈!”Monica强调冇特别keep,严重偏食的她更只食肉及甜品,蔬菜生果欠奉,亦不爱做运动,她感激父母遗传了良好基因,“我老定咗,年轻𠮶阵啲人觉得我个样好成熟,𠵱家到咗成熟时就觉冇变!都系以前个样,呢个系赚咗。”
Monica认为保持年青心态好重要,蔡少芬等经常指她有童心,“话我好细路仔,好钟意幻想,会谂吓可以有咩特异功能,识得透明又点,识得读心术又点。”她又坦言睇电视觉得自己真系老咗,“无可否认真系一个‘沙律姐’或者‘沙律妈’嚟。”其前经理人赞她“你喺呢个年纪已经系靓”,49岁的蔡少芬又跟她说,“到你呢个年纪好似你咁嘅样,我都唔知几开心”,Monica笑言可以优雅地老去亦系好事。
拍过数次拖,甚至到谈婚论嫁地步的Monica,承认对爱情仍有憧憬,“每次拍拖都会问‘你系咪会娶我㗎?唔系就唔好同我拍拖,唔想嘥时间’,但要我爱上一个人唔容易。”现阶段她对拍拖好随缘,“遇到令我觉得两个人比一个人好嘅人,我绝对会拍拖,但我已10几年冇拍。”她又称遇唔到好钟意嘅人,唔会心急去揾,亦唔会觉得一世人一定要嫁一次。“话唔定宝物沉归底我会嫁呢,或者最后都系一个人,𠵱家一个人都几自在,又冇觉得好孤单,有好多好朋友又有屋企人。”
《星岛头条》新网站有更多精彩内容:http://www.stheadline.com/
>>>立即浏览【移民百答】栏目:新移民抵埗攻略,老华侨也未必知道的事,移民、工作、居住、食玩买、交通、报税、银行、福利、生育、教育。
>>>即读【新移民专栏】:新移民第一身经验,与你分享当下年轻移民生活日常大小事,即读“新移民专栏”。
iPhone:https://apple.co/2IBi812
Android:https://bit.ly/2Pe8anu
>>>订阅【加拿大星岛网电邮快讯】,每天可收到最快新闻资讯电邮:
https://www.singtao.ca/subscribe/singtao.php
>>>立即关注加拿大星岛新闻网TG Channel,让加国新闻无遗漏全天候向你推送:
https://t.me/singtaoca
>>>订阅CCUE YouTube 频道,查看更多吃喝玩乐、生活资讯影片。