星8卦丨“公子”好赌成性 “痴情”劝睇心理医生继续赌分手收场

唔知点解娱乐圈零舍多赌徒，而且赌到唔识收手，有啲仲搞到财困，“公子”就系最好例子。当年一出道已经顺风顺水，早年要揾钱，只要你肯郁手，钱就会送到你手上。𠮶阵佢有个依家被视为超好演技嘅影后女友，爱到要生要死，最终离佢而去，原因都系因为一个赌字。

“公子”无聊到同一班朋友食饭，都可以赌今晚嘅菜单有无人叫咗鸡，而赌注就成10万蚊人仔。有时更无谓系赌今晚啲鸡好唔好食，影后女友初时仲成日劝佢唔好，将辛苦揾返嚟嘅钱乱fing，点知话唔听仲嗌分手，两个人变怨侣，老死无往还。但有啲人就系桃花旺盛，唔知点解出名cool又唔易钟意人，但钟意咗就一生一世嘅“痴情”，甩咗“小鲜肉”之后，或者为治情伤，畀“公子”嘅外表呃咗，加埋大家咁高咁大，外人睇系绝配。

不过结婚后“公子”嘅好赌本性更犀利咗，以为娶咗咁叻揾钱嘅老婆实唔忧赌，得闲去下梳打埠输几百万，股票麻雀上赌船，总之逢赌都啱，搞到“痴情”要佢去睇心理医生。后嚟两个人生埋细路，个仔又有啲缺憾，谂住做下慈善回馈社会，点知有钱仲赌得大，搞到债务缠身，“痴情”帮无可帮，惟有带埋阿仔走人自保。

【相关文章】：

星8卦丨“细细粒”为帮“大大只”求财求子迫全家人食斋 搞到阿仔心脏出事仍未知死

星8卦丨“靓声”防疫大阵仗 全方位保护奇招开工免家人中招

星8卦丨“巴闭”出事后低调来港生活 怕被人认到唔出街免麻烦

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。