【谭俊彦专访】疫后首赴加国怀念昔日留学生活 视帝之路非一帆风顺

 

【星岛头条专访】2021年凭《换命真相》的时光获得用夺最佳男主角，荣登视帝宝座的谭俊彦（Shaun Tam）疫后首度赴加， Shaun 日前接受《星岛头条》专访，跟读者分享他的从影及生活轶事。

Shaun 入行20多年，曾试过做歌手、北上发展、最后返港签约无线，以男主角先后出演多部经典剧集，作品包括《包青天再起风云》、《换命真相》、《法政先锋IV》、《十八年后的终极告白》，成功“入屋”勇夺视帝，从“狄龙个仔”变身成为新一代师奶杀手。

与加拿大关系匪浅

原来 Shaun 与加拿大有着莫大渊源，他形容加拿大是一个让他学会独立、茁壮成长的地方，十分感激父母当年给予留学的机会，让他的人生更丰富，眼界更开阔。他补充说：“喺另一层面，多伦多系我求学嘅地方，温哥华就系我最多回忆的地方，我同太太喺温哥华相遇相知，呢个地方见证咗我哋嘅相爱。”

与此同时，Shaun 除了非常喜欢温哥华的环境及气候，也特别喜欢加拿大那种人与人之间的和谐关系，“我喺加拿大倍感亲切，在大街上无论系陌生人，或者唔系太相识的人，大家都会很有礼貌同对方 Say Hi，在香港和内地却少咗呢种文化。”

Shaun 在疫情后再度来到温哥华，他笑言非常想念温哥华的日本餐厅、海鲜、以及枫叶美景，他亦形容这场时隔3年的旅程别具意义，“现在大家终于除低口罩，睇到大家的笑容是最开心的事情。温哥华的气候非常舒服，我落机后第一感觉就系心旷神怡，温哥华的 House 好靓，成为我揾钱的动力。”

半工读靠自己

作为狄龙的儿子，或许很多人会先入为主，认为 Shaun 当年一定过著富裕的留学生活。不过 Shaun 直言自己并非“要乜有乜”，都要去打工赚零用钱。他笑着说：“好多留学生抵加后，父母都会买部车比佢哋代步。我反而好多谢我爹哋妈咪冇买车畀我，马死落地行，我唯有搭地铁去打工番学。但其实都冇坏，我少咗饮珍珠奶茶的机会，同埋冇咁多时间去玩，更多时间用喺读书同打工赚零用钱。喺呢段日子，我能够真真正正接触社会、学习人与人之间的沟通，同时亦让我成长不少。”

老婆仔女重于一切

Shaun 入行 23 年，签约无线前曾经做过歌手，也试过北上发展。8年前，当艺人们纷纷北上吸金，Shaun 却毅然选择回港发展，加入TVB。他表示：“去到人生呢个阶段，我需要一个比较 stable 嘅时间。虽然喺TVB 拍戏系好辛苦，但好处就系我可以返屋企，经常与一对仔女见面，每日收工后可以返屋企食饭，家庭和子女对我来说，目前系最重要的。”

Shaun 承认简单的家庭生活，是他最向往的东西，“以前喺国内拍戏只能一张电话卡打漫游长途同屋企人联系，费用好贵。宜家我哋可以通过视像通话，有时我喺境外拍戏，虽然同家人天各一方，但依然可以互动。好似我喺温哥华呢两日，虽然有 jet lag（时差），但系我一样可以喺电话听到个女弹钢琴，一边听一边瞓，我觉得我好似喺佢身边陪住佢，拉近我同佢哋嘅距离。”

“Struggle 足廿年”

从“狄龙个仔”摇身一变，成为新一代师奶杀手，Shaun 的视帝之路并非一帆风顺。“我入行 23 年，话长唔长，话短唔短，爸爸到宜家都仲系反对，主要系担心我太辛苦！可能你见我呢 3 年发展得唔错，但其实此前足足 Struggle 咗 20 年，好彩近 3 年终于稳定落嚟，真正能够以演员为职业。但我清楚唔系每个人都可以做到，如果问我会唔会反对子女加入娱乐圈，我可能会有保留，但我唔会用旧𠮶套思维，一定要畀佢地试咗先。”

“时光系我最钟意嘅角色”

“我觉得每一个角色都是不同的挑战，如果你有留意我嘅作品，你会发现我会随着角色嘅 character（个性）去改变我自己，其实系好辛苦嘅一件事。”Shaun 表示经常要饰演一些很沉重的角色，却与现实生活中的自己有很大的出入。“其实我个人系比较中意讲嘢，拍摄后点样从剧本中抽离，避免介入自己生活，系演戏嘅最大挑战！”

谈到让他取得视帝宝座的角色──《换命真相》的时光，他说：“时光系一个fiction嘅角色，其实我好喜欢穿越内容。戏中可以睇到时光对 Hailey（邓佩仪饰演）嘅爱，以及同朴宝剑的友情等等，我觉得时光这角色十分完整，系我最钟意嘅角色。”

“另外，我也喜欢《十八年后的终极告白》的林朗生、《十八年后的终极告白2.0 》的姚尚谦，主要睇到佢哋阴暗的一面，我试过不同的角色演绎。”

Shaun 亦分享说，当时拍摄《换命真相》时，同时为《拳王》拍摄宣传海报，所以观众当时见到的 Shaun 变得越来越瘦，这是因为要迎合角色需要，“喺TVB的工作强度下，大家喺 Multi task下做好多嘢，当时让我学习咗好多，可以话转捩点喺从时光那个角色开始，因为由那个角色开始我直至攞奖，到现在都非常深刻。”

想走笑匠路线

勇夺视帝后想作哪些尝试？Shaun则笑着说自己想尝试饰演喜剧角色，“我唯一拍过嘅喜剧角色就系《失忆 24 小时》，其实真系好开心，日后想走comedy 路线，拍多啲开心嘅角色。我嘅作品屋企人套套都有睇，成日做杀人嘅角色其实都好攰，开心角色嘅话，屋企人睇到都会开心啲！”

Shaun 亦透露，他将会在大湾区拍摄一套商战题材的剧集，形容今次终于可以做一次“强人”，“好似医生强人又插唔到入去啦，缉毒强人又唔预我，好在商业强人有我分，我希望会有新火花啦。”

寄语加国读者

他最后对加拿大的读者说：“你哋中意嘅，日后如果有个题材可以嚟加拿大拍，讲下加拿大华人嘅生活，我觉得好多人都会有共鸣， 因为加拿大嘅华人系一个好特别嘅community嚟嘅，大家非常团结同友好，我希望日后能多啲返嚟。”

撰文： Justin Wong

摄影： Harrison Ha

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。