67岁许思敏视《爱回家》群姐为代表作 “御用清洁工”闲时做Facial要靓靓出街
67岁许思敏因演出《爱．回家之开心速递》的接龙清洁女工“群姐”而为人所熟悉，近年更被人称呼做“伊莎贝拉群”，又或是“群姐”所取代，但她一点都不介意并笑说：“你嗌‘群姐’我好开心㖞，证明你有睇我做戏，亦都因为你钟意睇我做戏，先会咁样叫我！”从事“特约演员”超过35年的许思敏，在2022年更获TVB签约成为合约艺人。
【点击睇群姐开心开工相】：
日前群姐接受演艺人协会的访问，谈到不用开工的日子，许思敏回复师奶的身份：“我会饮吓茶，而家揾啲钱，咪去做吓facial扮吓靓，等啲人唔以为‘群姐’仲乜咁嘅样，要靓靓哋出街。”许思敏在24岁结婚，婚后育有三子，现时更有四个孙，生活当然很开心，但原来婚后不久因肝炎而不能工作，她说：“医生叫我要多啲休息，唔好太操劳，所以咪专心做家庭主妇，因为儿子的关系，令她入行做演员：“我啲仔细个嘅时候好靓仔，有人揾佢拍教育电视，我带佢哋去，点知有一日，有个妈咪甩底冇嚟到，有个助导问我可唔可以拍，我话‘梗系好，好玩！’埋位即刻做，所以之后都有揾我拍。”
后期许思敏家庭事业兼顾，她笑言家人没有出声，于是当他们不反对：“始终我哋系特约演员，时间唔啱嘅话咪唔会接，可以有呢个弹性安排。”在过往曾经演出过的角色中，最喜欢一定是“群姐”这角色：“唔好话暂时，直头系代表作，唔好话街坊睇得开心，连演员都合作得好开心，好难得。”亦因为这角色，为她带来了不少工作：“可能佢哋觉得我好开心，带畀人好多欢乐，所以咪揾我拍啲啱家庭主妇嘅广告。我唔介意人哋话我系‘御用清洁工’，我自己做得开心，过到自己咪得，唔使介意。”
至于人生的失意事，许思敏说：“一定会有，但系我觉得开心又一日，唔开心又一日，我好阿Q精神，唔开心咪去买吓嘢，同人倾吓偈，心情自己就好。”她还说未有想过退休：“拍到冇人揾先算，我冇谂过退休，拍戏呢个工作唔系太辛苦，虽然系时间长，但系做乜嘢工都要时间，如果畀我重头嚟过，我都会拣返做演员。”
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
