79岁冯淬帆激罕受访现老态 盼趁健康拍“遗作”抗拒再演喜剧
80年代凭《精装追女仔》、《最佳损友》、《五福星》系列深受欢迎的冯淬帆，原来今年年底将踏入80岁，日前他接受资深制作人杨绍鸿的节目《台友情缘的岁月》访问，他希望趁身体还健康时，拍一套“遗作”：“题材我仲未谂到，不过我唔想拍喜剧。”
【相关阅读】：王晶被闹“王八蛋”121字反击冯淬帆有被害妄想症 句句有骨闹埋移台港人
【点击冯淬帆最近新况】：
人称“阿紧”的冯淬帆于1965年入行，曾效力无线、亚视及佳视三间电视台，任职演员、导演、监制及高层，后期转投电影圈发展，《最佳损友》饰演牛精帆，凭精警对白：“香蕉你个布冧”、“金山橙你个提子呀！”以及《精装追女仔》中“收缩水”一幕而深受观众欢迎，后来冯淬帆移居在台湾定居，甚少在香港出现！今次冯淬帆现身接受访问，外形确实是苍老不少，但对答如流。不经不觉，冯淬帆入行已经超50年：“好多人以为我系拍电影，其实系先拍电视，畀楚原睇中咗之后先拍电影，合作过两、三套电影后，跟楚原学做导演！”
冯淬帆曾经在TVB担任导演，期间发生被“炒鱿鱼”事件，他说：“系我喺TVB发明拍外景，因为钟景辉先生冇电影嘅感觉，后来佢将我升做导演，做咗一年左右畀TVB所谓‘炒鱿鱼’，但我系唔认，系我发脾气话自己唔做，件事好多人都知。”他续说：“𠮶阵喺餐厅食饭时有个鬼仔过嚟搞我，我记得我揾糖泼佢，𠮶个鬼仔真系好乞人憎！但原来佢系股东嘅屋企人，钟景辉就话冇办法帮到我，唔知对方系股东嘅孙定仔，一定话要炒我，咁我就话好呀！我辞职，咁到底系边个啱都唔知。”
虽然在镜头前的冯淬帆谈笑风生，不过镜头后的他态度严肃，令不少人“闻风丧胆”，他更因为有“阿紧”这个花名，但冯淬帆表示：“其实系我恩公后叔（陈有后）叫我做‘阿紧’，啲人咪开始跟叫，到咗我做导演，啲人叫我做‘紧张大师’，𠮶啲唔系叫好紧张，系叫认真，你冇见过我拍戏会好赶时间嘅？我系好有计划，但系好认真冇紧张，变得好大脾气。”他又说：“我拍戏系冇得倾，最好朋友都反面，私下同我越老友越死得惨，如果系我老友，乱嚟𠮶阵唔闹你咁又点得，啲人会点睇？”谈到过往的作品，冯淬帆最喜爱的竟然是这两部：“我最钟意一套系我做演员嘅《癫佬正传》，同埋我导演嘅《爱的逃兵》，但观众都系记得我做嘅喜剧，我唔知点解，即系话我唔识做戏？剩系识做喜剧？”
目前冯淬帆处于半退休状态：“喺香港最后一套叫《老笠》，直到最近先有客串，我成日谂一个人要有遗作，自己导演比较钟意啲嘅戏。题材好难讲，真系准备时先会知，又唔轮到你话唔睇市场，但系我唔想太迎合，唔系就拍畀自己睇啦！主要系唔想拍喜剧，可能我自己唔演，做导演都未定，呢个仲未好深入去谂，只系希望身体仲可以就拍呢套戏。”
>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。
iPhone：https://apple.co/2IBi812
Android：https://bit.ly/2Pe8anu
>>>订阅【加拿大星岛网电邮快讯】，每天可收到最快新闻资讯电邮：
https://www.singtao.ca/subscribe/singtao.php
>>>立即关注加拿大星岛新闻网TG Channel，让加国新闻无遗漏全天候向你推送：
https://t.me/singtaoca
>>>订阅CCUE YouTube 频道，查看更多吃喝玩乐、生活资讯影片。
