专栏｜波杜基林特闪耀挪超

欧洲五大联赛就嚟收炉，但唔使愁无波睇嘅。目前喺欧洲北部，艾尔几留意嘅瑞超同挪超都开咗波。其中挪超系“布欧”艾宁夏兰特嘅诞生地，当年喺莫迪闻风丧胆嘅表现，令球队喺国内称霸多时。不过近年莫迪就唔可以成日做“一哥”，因为有队“黄黑战队”波杜基林特突然崛起。

波杜基林特以往只系喺甲、乙组徘徊，2018年首度升上挪超之后，由古辛担任教练一职，执教三季成功带领球队拎到首个挪超冠军。该季球队喺联赛入咗103球，创下挪超单季入球总数最多嘅纪录。有睇开欧洲赛事嘅朋友，相信仲记得波杜基林特喺欧协联分组赛，主场以6比1大炒罗马，足以证明呢队波冒起得好快。

呢支黄黑战队英文名叫Bodo/Glimt，中文译名系“波杜闪耀”，近季球队能够喺挪超发光发亮，除咗因为教练古辛嘅功劳外，球队攻力得以保持系最关键。32岁射手艾马柏历坚奴今季9战入9球，连同新加盟嘅前锋莫恩巴拿，波杜基林特嘅进攻火力唔需要怀疑。今次作客华拉伦加，先推介入球大细3.5入球大。另外仲有几支挪超球队今季值得留意，艾尔有机会再同各位分享。艾尔

-----

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。