【曾智华专栏】我会买Vs.我不会买

几时入市买股，我不会考虑群众情绪或什么经济大势（人人靠估），反之，只锁定三两只长期投资的重点股，有耐性地等！如昨天透露的港交所，我会分两部分处理。一部分买咗唔理，长线放退休组合，雷劈都唔出货。另一部分玩波幅，每当300元以下，就逐跌10元加码入货，直至弹尽粮绝，然后等佢升到320元就开始放，也是每升10元放多一点。这种玩法，大家可以睇睇此股过去三年的上落线有几多次，就大致可知小弟约有多少利润。今次港交所再跌破300元，我已等足大半年了！

港交所乃“皇帝御赐”股，唔准竞争，独家经营，国家锡晒，真系客观条件笋到“完全唔合理”㗎！

所以，我点会唔买？一到价就买买买！另一只必买的为长实集团，点解？因为李嘉诚父子近日频频回购囉！由42.8元到46.4元都有。小弟多年观察，超人卖的（连佢都放弃！）投资产品，你要小心（中环中心乃典型杰作）！倒转，超人吸纳的，一于跟啦，多数冇死！

昨日又有老友问：“周杰伦只概念股传本周上市，你会否认购多少呢？”

“一个仙都唔买！从来对新股冇兴趣。唔该上市后表演返三五年畀我睇，睇你个管理层有乜功力先！尤其是涉及‘概念’两字，即非常之‘虚’，更加咪搞。更何况最攞命为此股纯卖周杰伦一个人，成家公司并非强调制度、结构、策略，而是讲个人。咁⋯⋯若佢上市后‘因个人决定’而有变卦，点搞？”再睇睇此股，纯利由2020年回落，原因正是“《周游记1》的重大宣传效应停止”。周杰伦粉丝为撑偶像场，一定多少买啲，但就咪搞小弟嘞。

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。