星8卦丨“巴闭”出事后低调来港生活 怕被人认到唔出街免麻烦

“巴闭”真系行运嘅，细细个红透半边天，一直都走食脑路线，做埋幕后人搞乜都大收，揾到一啲钱就学人去投资。当时跟到在上位嘅“鬼才”，简直系人生胜利组嘅姿态打横行，佢又真系有风尽驶?得济，当年得罪唔少人。

随住“鬼才”讲嘢口没遮栏搞到要着草出国，“巴闭”自然一齐行衰运，最现实系“鬼才”觉得巴闭陀衰家，叫佢早啲弹开。人人对“巴闭”行踪多多揣测，以为佢被扣留或者逃亡，但其实佢边度都无去，一直静悄俏咁喺香港生活，因为小朋友系呢度读书，而佢又有啲控制狂，两个小朋友起居饮食跟到足，连返学放学都跟埋司机一齐，珍惜路上相处时间。

每次出去“巴闭”都如临大敌，将自己包到密一密，有时直情用易容术，戴假发着到烂身烂势咁出街。可惜香港人真系好眼利，成日系街市揾到佢买𩠌，每次一畀人认到，就好似见鬼咁秒速逃离现场，有次直情连𩠌都唔拎就走咗，从此开始网上买𩠌，街都唔驶出。

出事之前“巴闭”一直住上海，出事后几经辛苦嚟香港都系想平平静静，依家除咗系细路需要至见人，其余时间好似消失于地球咁，亏佢忍得呢种闷爆生活。

【相关文章】：

星8卦丨“高妹”姣出面心计多 泊错码头继续搏杀真凄凉

星8卦丨黑人衰烂赌离婚 胜在赌品好输极有钱找数

星8卦丨“好命妹”为老爷面子 延迟再婚积福愈嫁愈好

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。