独家丨黎燕珊感动享受不用脑之旅 仔女请东京旅行庆祝59岁生日

刚过去的5月20日是黎燕珊59岁生日，她开心登六前最后一个生日，获大女咏诗（Wynce）和细仔德权邀请到东京旅行庆祝，同行还有未来女婿健仔。珊姐原来已跟仔女相隔15年再一家三口去旅行，现在仔女已识为她安排一切，兴奋之余亦很感动。采访：杜杜

珊姐开心这个生日之旅完全不用费心，也感触一对子女都长大了。

 

珊姐除了有旅行作为生日礼物，还收到鲜花。

 

珊姐跟咏诗和德权一齐欣赏东京夜景。

 

能够跟一对仔女去玩，珊姐觉得特别值得纪念。

 

珊姐最初都担心这个生日之旅未能成行，因她有剧在身怕难度期，“我客串紧《新闻女王》演何依婷妈咪，又准备开《逆天奇案2》，都担心未必请到4日假，好彩最尾起行前公司都批咗，唔系就浪费晒啲仔女嘅心血。”珊姐笑言此行完全不用用脑，因一切仔女已为我安排好，令她玩得舒服又安心，“Wynce佢哋真系安排得好好，我哋去咗富士山附近玩，有得浸温泉，又可以睇花田𠮶啲靓风景，佢哋知我唔食牛肉同好多肉，都预备其他嘢畀我食，未来女婿健仔亦都好乖，提议自驾游等我可以玩得舒服啲，所以呢4日我真系唔使点用脑，净系食同玩咋！”

同行还有未来女婿健仔（右一），珊姐对他赞不绝口。

 

一家人参观花田，当然要影相留念。

 

珊姐首次到新型态美术馆参观，相当兴奋。

 

珊姐在富士山前花田，影了多张靓相。

 

有仔女考顺，令珊姐此行玩得特别开心。

 

惊觉仔女已长大

回想上次一家三口之行，原来已是15年前，珊姐惊觉一对仔女已长大成人，“上次我一个带佢哋两个去玩，咩都要自己去搞真系好忙好攰，今次佢哋已经识得照顾返我转头，佢哋都大个晒。”原来囝囝将被派到英国工作，令珊姐特别感触，“梗系唔舍得啦，虽然阿仔之前都去过外国读书，都24岁咁大个，但系做妈咪都系会担心嘅。”珊姐已计划明年六十大寿可能会到英国一齐庆祝，“佢飞唔到返嚟，我咪去英国揾佢一齐玩囉，之后我有时间放假或者都会去英国住吓，但移民就唔会谂，我都系钟意香港生活多啲，同埋我仲系好钟意演戏。”

珊姐开心到，变了个大细路。

 

珊姐原来已有15年，冇一家三口去旅行。

 

咏诗因疫情曾放弃空姐工作，现在做回最爱本行令珊姐好放心。

 

德权将到英国工作，咏诗又要周围飞，珊姐坦认要习惯独自生活。

 

 

《星岛头条》新网站有更多精彩内容：http://www.stheadline.com/

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。