专栏｜英超欧协联席位之争有睇头

英超煞科战，虽然前6名顺序尘埃落定，但唔系全无睇头嘅。除咗有爱华顿、李斯特城同列斯联嘅护级战，同欧协联附加赛席位有关嘅第7名之争都非常激烈。

曾经踢过欧联决赛嘅热刺，若然嚟紧作客护级心切嘅列斯联稍有差池，就可能自2008至2009球季之后，再次无缘欧洲赛。作为车路士球迷嘅艾尔，只可以同热刺讲：祝你好运！

暂时排第7位嘅阿士东维拉，近6场主场全胜兼只失1球，今次返到维拉公园球场，对住已经锁定来届欧霸杯分组赛席位嘅白礼顿，睇落赢面高啲。不过，由迪沙比执教下嘅白礼顿，艾尔好难讲会Hea住踢，艾云费格逊同祖利奥安斯素近期着晒火，呢场博入球大细[2.5]大同角球大细[10.5]大好过。

至于排第8位嘅宾福特，虽然射手艾云东尼因为赌波案而被罚停赛，但球队仲有麦比奥莫、尤尼韦沙等具速度嘅球员，无损入球效率同成绩。蜜蜂兵团正正系今季杀低过曼城嘅其中一队，睇埋蓝月亮周中对白礼顿嘅表现，加埋有足总杯同欧联决赛后顾，衡量过战意后，艾尔觉得宾福特今次主场对曼城秤先少少，让球受让半一盘值博。艾尔

-----

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。