黄夏蕙狂收契仔女 唔记得名但提醒要畀利是 结婚周年晚宴获家燕姐惊喜到贺

身穿婚纱的黄夏蕙（BB）前晚在酒楼筵开83席庆祝与潘炳烈结婚35周年，好友刘锡贤、潘志文、魏秋桦、徐宝凤及丁羽等到贺，相识几十年嘅薛家燕亦惊喜到贺，家燕姐成全场焦点，更应邀上台和主人家切烧猪、生日蛋糕及醒狮点睛。台上司仪肥仔贤（刘锡贤）见BB两公婆切烧猪时笑住搞气氛说：“呢只猪，潘sir㗳咗好耐，但都分享吓嘅！”全场又大合唱生日歌祝BB 91岁生日快乐，家燕姐坐足半场才离开。

家燕姐惊喜现身撑BB。

前晚筵开83席庆祝，不少圈中好友包括潘志文、徐宝凤、方俊、丁羽叔及刘锡贤等出席。

黄夏蕙与潘炳烈结婚35周年纪念，前晚筵开83席庆祝。

家燕姐好畀面坐足半晚。

家燕姐及丁羽叔应邀上台主礼醒狮点睛。

台上仲有财神。

司仪肥仔贤用烧猪取笑夏蕙BB。

BB咪嘴唱《禅院钟声》。

现场仲有周润发姊姊玲姐(周聪玲)。

家燕姐赞BB心地好

家燕姐在台上表示，睇住夏蕙姨长大，大赞对方心地好好，且热心公益及帮助朋友，祝佢哋永远恩爱，身体健康。

家燕姐好欣赏BB嘅人品。

欣赏方俊照顾伟文

活动期间进行上契仪式，原先只得4个契仔跪地斟茶，当中包括好锡老人家嘅张伟文经理人方俊，点知临时又加多两个契仔话要上契，之后又再加添多6个契女，最搞笑大部份契仔、契女，BB都唔记得佢哋叫咩名，司仪肥仔贤多次呼吁新收嘅契仔、契女快快补利是，否则未完成过程。然后一班契仔女台上合唱<总有你鼓励>送畀契妈，BB又独唱，咪嘴演绎一曲饮歌《禅院钟声 》。之后BB落台走匀全场，跟买咗枱力撑她嘅宾客合照，再狂收利是，计埋卖枱收入，当晚BB真系大丰收。另外，方俊指BB好欣赏他悉心照顾张伟文，对他好好，所以主动话要契他做契仔。

张伟文经理人方俊跪低上契畀利是契妈。

BB愈收愈多契仔契女。

司仪多次提醒，新上契嘅契仔契女记得畀利是。

当晚方俊台上献唱娱宾，有观众上台畀利是。

BB欣赏方俊对无依无靠，兼行动不便嘅张伟文真心好。

方俊𠱁得BB好开心。

去年BB离港前，方俊陪她去油麻地选购假发。

BB最快年尾才同老公返美国。

BB怕喺美国闷，较喜欢香港多姿多彩生活。

《星岛头条》APP经已推出最新版本，请立即更新，浏览更精彩内容：http://www.stheadline.com/