独家丨乔宝宝留港揾食5个月老妈跌亲急返英 长伴左右协助冲凉如厕

移民苏格兰的乔宝宝过住半退休生活，今年2月见疫情减退生活恢复正常，即回港做商演揾食，由于生意好，回归行程延至5月底，汇合埋老婆、儿媳及孙仔来港畅游后才齐齐返英国，岂料81岁高龄妈妈在母亲节前两周，不慎跌亲致盘骨断裂，孝顺仔马上提前回归，除24小时侍奉左右，仲帮妈妈冲凉及协助如厕，好乖仔。采访：方骞平

妈妈最锡孺仔乔宝宝，就算瞓喺病牀见到佢都识笑。

宝宝两公婆不时往来医院探望。

在港期间频频出席商演活动，乔宝宝都算揾到食。

“最索经理人”林宝玉经营嘅美容院都揾咗宝宝协助做宣传。

在港逗留5个月的乔宝宝，已于母亲节前夕提前返回苏格兰做孝顺仔，更称今年母亲节相当难忘。他说：“回港期间交由老婆睇住阿妈，阿妹开party期间，阿妈不慎喺屋企跌倒，盘骨裂咗入院两星期，因为受伤位置影响大小二便，连坐都辛苦，医生唯有帮佢打吗啡止痛。今年母亲节老人家最想要嘅礼物，就系4个仔女全部都喺佢身边，咁我哋分别喺加拿大、英格兰及香港飞晒返去陪佢，阿妈见到我哋后相当兴奋，勇气返晒嚟，可以落地自己行，行得好好，医生护士都大赞进步神速，最后能赶及母亲节当日出院。”

母亲节当天乔宝宝陪妈妈出院。

宝宝在家贴身照顾妈妈。

宝宝系孝顺仔。

乔宝宝及乔嫂嫂喺英国过住半退休家庭生活，凑孙为乐。

晚上一家人在家庆祝，成为乔妈妈最开心嘅母亲节礼物。

阿妈冇事最紧要

讲到目前老妈状况，宝宝话一日比一日好，用拐杖支撑行得到，不过因为要食药，所以变得有啲攰，要长期入睡。“老婆、儿媳一早订咗机票来港，所以由我帮妈妈冲凉及协助佢如厕，𠵱家妈妈瞓牀，我瞓地下，长期喺身边等佢召唤，始终老人家大小二便比较论尽。”虽然未能跟家人在港家庭乐，宝宝唔觉得可惜：“阿妈有事梗系要留喺佢身边啦，以前佢凑咗我哋咁多年，老咗梗系要照顾返佢。”他又指，今次留港5个月老婆冇诈型：“畀足家用就ok，苏格兰得家庭乐比较清闲，佢知我钟意返香港揾食。咁我哋都有个协议，半年香港半年苏格兰。”

宝宝今年在港渡过53岁生日。

见祖母伤势稳定，宝宝老婆，大仔“印度豹”夫妇决定继续来港旅游。

宝宝儿媳在港玩得好开心。

《星岛头条》APP经已推出最新版本，请立即更新，浏览更精彩内容：http://www.stheadline.com/