独家丨陈国峰为养家收5位数打拳 效力TVB 13年月入几千争落一身债

2010年参加《超级巨声2》入行的陈国峰(Penny)，前年7月疫情期间，跟TVB由经理人合约改为基本艺员约，因为工作量唔多，每月收入只得几千蚊，一度要向圈外朋友借6位数(超过十万)应急养家，辛苦挨咗年几，趁下月约满决意离巢。卖身13年，Penny换来一身债，但他无怨无悔：“我赚到嘅系经验，有钱都买唔到嘅。”采访：方骞平

陈国峰操到一身结实肌肉，唔打得都睇得。

拳赛后翌日Penny同TVB完约，迎接一个新开始。

积极练拳。

最初打到冇晒气。

豁出去全力以赴。

Penny喺《超能使者》中演大反派，好有发挥。

陈国峰拍剧唔多。

陈国峰将于下月13日出战亚洲心动娱乐(AMM)举行的《宇宙荣耀搏击拳赛》，40岁的Penny以参赛拳手身分，挑战仅22岁，高头大马的职业篮球员兼篮球教练陈耀燐打明星赛，决一高下。

Penny跟年纪细22年嘅职业篮球员陈耀燐打明星赛。

亚洲心动娱乐董事赖彩云博士(中)举办《宇宙荣耀搏击拳赛》。

擂台上豁出去真打

8年前，Penny为操Fit身形而练拳，跟志同道合嘅罗孝勇、谢东闵一齐玩。他自爆今次打拳赛，除机缘巧合获朋友推荐外，绝对系为咗份酬劳：“见有5位数(万元)出赛费，咪当系接份有钱job，又可以做吓运动囉，𠵱家我豁咗出去，上到擂台就嚟真，连样都唔理，就算硬食两吓，都要竭尽所能反击返对手4拳，就算输都唔好输得咁肉酸。”问到会否好似林作咁采取逃跑战术？Penny却力撑对方：“擂台上千变万化系要打技术，逃跑都系策略，也需要气力。”

呢招起飞脚有板有眼，状态大勇。

打拳迎接新开始。

练拳初时伤痕累累。

原来打拳好辛苦。

陈国峰大赞林作前年擂台上作战钟培生，策略得宜。

周身瘀伤老婆担心

40岁的Penny撑林作因为感受到练拳之痛：“大家都知我乜年纪，平日只系踼波及做Gym，冇做开剧烈运动，最初用死力对打分几钟，已经打到‘爆呔’(冇晒气)，𠵱家协调到呼吸，可持续打3分钟。”Penny育有2子，圈外老婆黄思雅（Wing）会否担心他出赛？他轻松说：“佢表面话唔惊，我唔知佢内心点谂，不过，佢有时见我操完拳周身瘀伤，返到屋企成个人散晒，就会有啲担心问‘你得唔得㗎？’另外我唔建议年老妈妈捧场，始终身体发肤受诸父母，但老人家坚持一定会到，暂时未知囝囝会唔会嚟，咁都好嘅，希望借此以身作则，唔好做一样后悔嘅事，有机会就要好好把握，做啲值得回忆嘅事。”

Penny一对囝囝只得5岁和3岁，老婆Wing都有工作分担生活费。

阿妈都话要嚟捧场支持。

陈国峰儿子都爱打拳。

疫情下点都要想法子养妻活儿。

冇兴趣参加《中年2》

提到第5波疫情严峻时，Penny两公婆手停口停，经济拮据，父亲又因病去世，雪上加霜，好彩有“兄弟帮”老友 (林盛斌)等施援手，同时，他坦言有向圈外朋友借6位数应急，目前仍未有能力还债。当问到可有后悔卖身TVB 13年？他承认在TVB多年，有段时间失望及徬徨过：“但赚咗好多人生、工作、演戏经验，有钱都买唔到。我相信人要向前行，唔可以停留太耐，去另一个地方，总会有出头天，就算离巢都唔可惜。”Penny曾下定决心，40岁要做一件有意义嘅事：“加上拳赛后翌日同TVB完约，好似上天畀我一个新开始，将来仍然会keep住唱歌，接吓商演，边做健身教练去寻找机会。”

第5波疫情时Penny两公婆手停口停，父亲又因确实去世。

Penny开个唱时，《兄弟帮》一班兄弟撑场。

两年前疫情期间，Penny首当男一跟孙慧雪拍港产片《爱‧还记得》。

好兄弟阿Bob有情有义。

冇咗J2《兄弟帮》节目，陈国峰收入大减。

另外，两年前Penny曾报名参加《声生不息》但被指年纪大，报名被拒，问他会否参加《中年好声音2》圆歌星梦？他有所保留，尴尬婉拒说：“机会留返畀外面嘅年青人，等佢哋见识吓TVB系点，唔使预我喇…”

Penny及刘威煌分别是《巨声2》及《巨声1》队长。

两年前Penny曾报名参加《声生不息》，最后因年纪大被拒而发文表达不满。

陈国峰仲有歌星梦。

首届《中年好声音》反应好好，最终由周吉佩(中)夺得冠军宝座。

《星岛头条》APP经已推出最新版本，请立即更新，浏览更精彩内容：http://www.stheadline.com/